Праваабарончы цэнтр «ВЯСНА»

Навіны за 18 студзеня 2011

18.01.2011 За кіпучай чэкісцкай работай. 18 студзеня

Хроніка рэпрэсій. Ператрусы, затрыманьні, допыты ў КДБ і міліцыі працягваюцца ў розных гарадах Беларусі (АБНАЎЛЯЕЦЦА) 21:00 У Мазыры адбыўся ператрус у актывіста БХД Аляксандра Кавальчука

18.01.2011 Псіхолаг: Грамадства знаходзіцца на цікавым этапе, штосьці выспявае

Дзеянні ўладаў паспрыялі яднанню людзей, мяркуе псіхолаг Вольга Андрэева. На яе думку, цяпер такое сумеснае перажыванне дае беларусам надзею на перамены. Больш няма адчування тупіка і безвыходнасці.

18.01.2011 На 10 сутак арыштаваны карэспандэнт "Бобруйского курьера" Яўген Васьковіч

У Магілёве 17 студзеня на 10 сутак арыштаваны 19-гадовы карэспандэнт газеты "Бобруйский курьер", сябра Беларускай асацыяцыі журналістаў Яўген Васьковіч. У гэты ж дзень па адрасе яго бабруйскай прапіскі быў праведзены вобыск, паведамляе сайт выдання.

18.01.2011 У Рэчыцы судзілі Пятра Кузняцова за ўлёткі

Суд г.Рэчыца аштрафаваў актывіста руху «За свабоду» Пятра Кузняцова на 20 базавых вялічыняў за распаўсюд улётак. Ён быў затрыманы супрацоўнікамі Дзяржаўтаінспекцыі на дарозе ў аўтамабілі, у якім падчас агляду былі знойдзеныя інфармацыйныя матэрыялы пра нядаўнія прэзыдэнцкія выбары ў Беларусі.

18.01.2011 Барысу Гарэцкаму - адміністратыўны арышт

Сёння ў судзе Маскоўскага раёна Мінска суддзя Яўген Хаткевіч вынес журналісту Радыё Рацыя Барысу Гарэцкаму прысуд - 14 сутак адміністратыўнага арышту на падставе часткі 1 артыкула 23.34 КаАП РБ.

18.01.2011 Допыты не спыняюцца ні на дзень (Дадаецца)

Мазыр: у кватэры Аляксандра Кавальчука — даверанай асобы экс-кандыдата ў прэзідэнты Віталя Рымашэўскага — супрацоўнікі КДБ праводзяць ператрус. Пра гэта сам Кавальчук паведаміў прэс-службе аргкамітэта па стварэнні партыі «Беларуская Хрысціянская дэмакратыя». Ператрус пачаўся прыкладна ў 10 гадзін раніцы.

18.01.2011 Міліцыя затрымлівала Рамана Кісляка

Праваабаронцу Рамана Кісьляка выпусьцілі зь Ленінскага РУУС Брэста пасля затрыманьня каля аблвыканкаму. Праваабаронца распаўсюджваў тут спэцбюлетэнь пра салідарнасьць з затрыманымі падчас Плошчы-2010 у Менску.

18.01.2011 Затрыманы кандыдат у прэзідэнты Іван Кулікоў

Стала вядома, што прыкладна, а шостай гадзіне вечара 17 студзеня быў затрыманы Іван Кулікоў. Пра гэта паведаміў прадстаўнік камітэта ў абарону зняволеных «Над бар’ерам» Цімох Дранчук.

18.01.2011 Чарговы ператрус на кватэры Аляксандра Атрошчанкава

Сёння зранку супрацоўнікі КДБ прыйшлі дадому Дар'і Корсак, жонкі арыштаванага Аляксандра Атрошчанкава, каб правесці чарговы ператрус. У пастанове на вобшук напісана, што шукаць яны будуць "прадметы вопраткі", паведамляе Радыё Свабода.

18.01.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Час выхаду праграмы ў эфір – 15-05 (паўтор - серада 0:05-1:00 і субота 7:05-8:05). Таксама ў гэты час яе можна слухаць праз інтэрнэт на сайце www.racyja.com.

18.01.2011 19 студзеня - адкрыццё выставы Салідарнасці

Грамадская кампанія "Анёл-ахоўнік" ладзіць выставу Салідарнасці, прысвечаную героям Плошчы – 2010. Адкрыццё прымеркаванае на 19 студзеня - роўна праз месяц пасля тых падзеяў, што сталі завяршэннем прэзідэнцкай выбарчай кампаніі ў Беларусі.