105 сутак мала? “Шэрага ката” выклікалі ў міліцыю і там далі позву на новы суд Дапоўнена

2020 2020-01-24T16:41:00+0300 2020-01-24T14:32:17+0300 be http://spring96.org/files/images/sources/shery_kot_viasna.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Зміцер Казлоў ("Шэры кот")

Зміцер Казлоў ("Шэры кот")

Блогера Зміцера Казлова (“Шэры кот”), які 21 студзеня выйшаў на волю пасля 25 сутак арышту, зноў выклікалі ў міліцыю. Начальнік міліцыі горада Барані Валчкоў папрасіў Казлова прыйсці для азнаямлення з пастановай суда, якая прыйшла з Мінску. “Шэры кот” плануе пайсці ў міліцыю ў 14 гадзін 24 студзеня.

Верагодна, міліцыянт меў на ўвазе пастанову суда Маскоўскага раёна Мінска ад 26 снежня, згодна з якой блогер атрымаў яшчэ 15 сутак арышту. Пра такі вынік ён даведаўся толькі 23 студзеня.

Казлоў думаў, што з міліцыі яго хутчэй за ўсё адправяць у ізалятар далей адбываць суткі арыштаў, якіх у яго засталося 80. “Шэры кот” прыйшоў у міліцыю са ўсемі неабходнымі для “сутак” рэчамі. Але ў выніку яму далі позву на 27 студзеня ў Ленінскі суд Мінска, дзе будзе разглядацца яго апошняя адміністрацыйная справа - за ўдзел у акцыі 8 снежня. Такім чынам блогер застаецца на волі.

kazlou_24studzienia.jpg
"Шэры кот" пасля выхада з міліцыі 24 студзеня

Нагадаем, што Зміцер Казлоў быў затрыманы ўвечары 25 студзеня. На наступны дзень у судзе Аршанскага раёна яго асудзілі за заклікі да ўдзелу ў акцыі 7 снежня і адправілі адбываць 15-суткавы арышт. Падчас знаходжання пад вартай яго асудзілі яшчэ пяць разоў, і на кожным судзе ён атрымліваў новыя 15 сутак. Увечары 21 студзеня блогер нечакана выйшаў на волю. Казлоў патлумачыў, што яго часова адпусьцілі, паведаміўшы, што ў ізалятары нібыта будзе праводзіцца дэзінфекцыя.

За што і калі судзілі “Шэрага ката”?

  • 26 снежня, суд Аршанскага раёна – 15 сутак за заклікі да ўдзелу ў акцыі 7 снежня.
  • 26 снежня, суд Маскоўскага раёна Мінска (завочна) – 15 сутак за ўдзел у акцыі 7 снежня.
  • 9 студзеня, суд Аршанскага раёна – 15 сутак за ўдзел у акцыі 21 снежня.
  • 10 студзеня, суд Аршанскага раёна – 15 сутак за ўдзел у акцыі 20 снежня.
  • 13 студзеня, суд Аршанскага раёна – 15 сутак за заклікі да ўдзелу ў акцыі 29 снежня.
  • 15 студзеня, суд Аршанскага раёна – 15 сутак за заклікі да ўдзелу ў акцыі 21 снежня.
  • 16 студзеня, суд Аршанскага раёна – 15 сутак за заклікі да ўдзелу ў акцыі 20 снежня
  • 27 студзеня ў судзе Ленінскага раёна Мінска мусіць адбыцца суд за ўдзел у акцыі 8 снежня.

Агулам блогер атрымаў 105 сутак арышту.

Беларуская праваабарончая супольнасць выступіла з заявай наконт адміністрацыйнага пераследу Зміцера Казлова. Праваабаронцы выказваюць пратэст з нагоды палітычнага пераследу і арышту блогера і патрабуюць адмены ўсіх вынесеных у дачыненні да Змітра пастаноў. Яны нагадваюць, што ў выпадку працягу арышту блогер будзе лічыцца палітычным зняволеным, як і астатнія арыштаваныя ўдзельнікі мірных акцый.

Патрабуем неадкладна спыніць пераслед Дзмітрыя Казлова

Супольная заява праваабарончых ды іншых арганізацый грамадзянскай супольнасці


  Навіны ад Spring96.org у Telegram. Падпішыся на наш канал https://t.me/viasna96 

Апошнія навіны

Партнёрства

Сяброўства