Пляцоўка «Тэрыторыя правоў»: для каго і навошта Фота

2018 2018-12-12T15:49:08+0300 2018-12-12T16:28:03+0300 be http://spring96.org/files/images/sources/plyacouka_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Міжнародны дзень правоў чалавека ў Мінску адкрылася інфармацыйна-кансультацыйная ўстанова «Тэрыторыя правоў».

Пляцоўка "Тэрыторыя правоў" будзе бясплатна прадстаўляцца праваабарончым арганізацыям і ініцыятывам, іншым арганізацыям, якія займаюцца абаронай уразлівых груп для правядзення круглых сталоў, семінараў, сустрэчаў, дыскусіяў на тэму правоў чалавека.

Фота: Радыё Свабода
Фота: Радыё Свабода

На Пляцоўцы 10 снежня ўжо адбыліся дзве імпрэзы: цырымонія ўручэння Нацыянальнай праваабарончай прэміі і літаратурнай прэміі імя Францішка Аляхновіча.

На адкрыцці пляцоўкі старшыня ПЦ “Вясна” Алесь Бяляцкі адзначыў:

“Мы спадзяемся, што Пляцоўка павысіць разуменне і актуальнасць правоў чалавека ў беларускім грамадстве і будзе спрыяць тым мэтам, якія былі абвешчаныя ў Дэкларацыі правоў чалавека".

Дырэктар установы праваабаронца Андрэй Палуда ў інтэрв’ю “Радыё Свабода” падкрэсліў, што гэта не палітычная пляцоўка, а адукацыйна-асветніцкая, кансультацыйная:

"Гэта будзе пляцоўка для правядзення мерапрыемстваў для праваабарончых арганізацый. Любая праваабарончая арганізацыя, ініцыятыва зможа зладзіць там семінар, круглы стол, канфэрэнцыю, сустрэчу".

Прычым мы запрашаем не толькі праваабарончыя арганізацыі, але і любыя дэмакратычныя няўрадавыя арганізацыі. І яшчэ прапануем магчымасці для арганізацый, якія працуюць з «уразлівымі групамі». Да прыкладу, тут ёсць усе ўмовы для людзей з інваліднасцю — першы паверх, пандусы”.

Уваход у Пляцоўку. Фота: Радыё Свабода
Уваход на пляцоўку "Тэрыторыя правоў". Фота: Радыё Свабода

«Тэрыторыя правоў» знаходзіцца ў мінскім мікрараёне Ўручча-5, ст.м. Уручча, па вуліцы Ложынскай, 16, памяшканне 404.

Апошнія навіны

Партнёрства

Сяброўства