Магілёўскія праваабаронцы правялі інфармацыйную акцыю ды прыезду Пуціна Фота

2018 2018-10-12T10:31:48+0300 2018-10-12T14:53:29+0300 be http://spring96.org/files/images/sources/mogilev_sentsov.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Акцыя ў Магілёве

Акцыя ў Магілёве

Пасля забароны на пікет магілёўскія праваабаронцы Аляксей Колчын і Аляксандр Буракоў правялі інфармацыйную акцыю, піша сайт mspring.online. Колчын і Буракоў падавалі заяўку на правядзенне пікета салідарнасці з украінскім рэжысёрам Алегам Сянцовым, якому па палітычных матывах прысудзілі 20 гадоў зняволення ў расійскай калоніі.

Пікет павінен быў прайсці 12 кастрычніка – у дзень прыезду расейскага прэзыдэнта Уладзіміра Пуціна ў Магілёў. Аднак магілёўскі гарвыканкам забараніў мерапрыемства, спаслаўшыся на тое, што праваабаронцы выбралі не тое месца для яго. Замест цэнтра горада яны павінны былі адправіцца на стадыён на вуліцы Чалюскінцаў. Гэтае рашэнне, па словах Колчына, будзе абскарджана ў судзе ў бліжэйшы час. А пакуль ён і Буракоў вырашылі дзейнічаць інакш.

“Мы падрыхтавалі каля паўсотні лістоў з інфармацыяй пра тое, што пакуль у горадзе натхнёна чакаюць прыезду Уладзіміра Уладзіміравіча, у расійскіх калоніях і турмах гніе 56 чалавек – рэжысёр Алег Сянцоў, праваабаронца Аюб Ціціеў і іншыя,” – распавёў праваабаронца.

Акцыя ў Магілёве

Аляксандр Буракоў распавядае, што яны дзейнічалі адкрыта:

"Усё ў рамках існуючага закона. Мы распаўсюдзілі абвесткі пра палітвязняў на дазволеных пляцоўках – спецыяльных інфармацыйных дошках побач з пад’ездамі, на прыпынках і тумбах. Імкнуліся максімальна «забіць» цэнтр горада, каб больш людзей даведаліся і памяталі, што стаіць за прыгожым весялосцю ў гонар прыезду расейскага прэзыдэнта".

Праваабаронца сказаў, што праблем з міліцыяй у іх пакуль не было, хоць ён і не выключае брутальнага варыянту развіцця падзей. Галоўнай праблемай, паводле праваабаронцу, стаў пошук падыходзячых паверхняў:

“Калі не ляпіць на слупах і сценах, то выходзіць вельмі абмежаваная колькасць пляцовак для аб’яў,” – сказаў Буракоў.

Акцыя ў Магілёве

Прэзідэнт Расіі Уладзімір Пуцін прыбудзе ў Магілёў 12 кастрычніка для ўдзелу ў пленарным пасяджэнні V Форуму рэгіёнаў.

Апошнія навіны

Партнёрства

Сяброўства