Эрдаган выступіў за вяртанне ў Турцыі смяротнага пакарання

2017 2017-04-17T11:36:08+0300 2017-04-17T11:39:04+0300 be http://spring96.org/files/images/sources/erdogan.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Рэджэп Таіп Эрдаган. Фота: inosmi.ru

Рэджэп Таіп Эрдаган. Фота: inosmi.ru

Выступаючы перад сваімі прыхільнікамі пасля сканчэння рэферэндуму, прэзідэнт Турцыі Рэджэп Таіп Эрдаган заявіў, што ва ўрадзе краіны пачнуць разглядаць пытанне пра неабходнасць уводзінаў у Турцыі смяротнага пакарання, перадае Reuters.

Як піша Беларускае Радыё Рацыя, звяртаючыся да натоўпу сваіх прыхільнікаў у Стамбуле, Эрдаган сказаў, што ён намераны „неадкладна” абмеркаваць з прэм’ер-міністрам Біналі Йылдырымам і старшынём апазіцыйнай Партыі нацыяналістычнага руху Даўлетам Бахчэлі пытанне пра вяртанне ў канстытуцыю краіны смяротнага пакарання. Уводзіны смяротнага пакарання будуць азначаць канец перамоваў пра ўваход Турцыі ў Еўразвяз, адзначае Reuters.

Эрдаган таксама заявіў, што за змены ў канстытуцыю і ўзмацненне прэзідэнцкай улады прагаласавалі 51,5% грамадзян, і адзначыў, што ўсе павінны паважаць рашэнне нацыі. Турэцкае дзяржаўнае навійнае агенцтва Anadolu паведаміла, што па выніках падліку 99,9% бюлетэняў 51,2% выбарцаў прагаласавалі за ўзмацненне паўнамоцтваў прэзідэнта краіны, 48,8% выказаліся супраць такіх зменаў.


Апошнія навіны

Партнёрства

Сяброўства