Расследванне справы Андрэя Гайдукова: галоснасці па-ранейшаму няма

2013 2013-03-05T19:15:53+0300 1970-01-01T03:00:00+0300 be http://spring96.org/files/images/sources/gajdukou-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Гайдукоў

Андрэй Гайдукоў

Месяц таму сваякам арыштаванага стала вядома, што тэрмін расследвання працягнуты да сакавіка. Але прыход новага месяца нічога не праясніў: бацькі Гайдукова так і не ведаюць пра тое, што будзе з іхным сынам: ці чакаць суду, ці будзе зноў працягнуты тэрмін следства.

Адзінае, што сёння цешыць маці абвінавачанага па падазрэньні ў "здрадзе дзяржаве" Андрэя Гайдукова  -- гэта тое, што да яго пачалі пускаць адваката. Здарылася гэта неўзабаве пасля заявы праваабаронцаў наконт парушэння правоў зняволенага ў СІЗА КДБ.

"Тыдні два таму адвакат прабыў у Андрэя амаль паўдня! Што было вельмі дзіўна, бо раней, калі пускалі – то на якія хвілін 20 у канцы дня. Адвакат, бывае, увесь дзень сядзіць і чакае, і не зразумела, пусьцяць ці не. А тут пусцілі, і яны доўга размаўлялі. Адно што адвакат мне нічога расказваць не можа, бо дае падпіску пра неразгалошванне," – распавяла Вольга Гайдукова.

Іншых падрабязнасцяў пра сына даведацца няма адкуль. Прайшлі ўжо 4 месяцы са дня ягонага затрымання, і штораз следчыя працягвалі тэрмін следства.

"У лютым сказалі, што працягваюць да сакавіка. Ужо сакавік, і зноў нічога не вядома. Што там з ім робяць? У чым вінавацяць? Каб было супраць яго нешта канкрэтнае, дык ужо даўно б асудзілі. А так – нешта цягнуць. І ён ужо нават не спрабуе нам нешта патлумачыць, бо разумее, што такія лісты ад яго мы не атрымаем. Нам і так прыходзяць лісты з закрэсленымі радкамі. Значыцца, нешта спрабаваў сказаць, але не прапусціла цэнзура", -- працягвае маці арыштаванага.

У "шпіёнскай" справе ёсьць ня толькі адзін абвінавачаны – яшчэ ёсць падазраваны Ілля Багданаў, гэтаксама жыхар Наваполацку. Але ён па-ранейшаму на волі, мераў стрымання ў дачыненні да яго не прымянялася.

Сведкам па справе праходзіць і навапалачанін Яўген Канстанцінаў – старшыня незарэгістравнай суполкі "Саюз маладых інтэлектуалаў", дзе Андрэй Гайдукоў быў намеснікам.

Знаёмыя і родныя Гайдукова лічаць, што ягоны арышт  можна патлумачыць хіба толькі грамадскай актыўнасцю і апазіцыйнымі поглядамі хлопца. Афіцыйную інфармацыю пра тое, што 23-гадовага аператара наваполацкага "Нафтана" затрымалі за "агнтурную дзейнасць" на карысць замежных спецслужбаў, ды яшчэ "падчас закладкі тайніка" са шпіёнскімі звесткамі, яны называюць абсурднай.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international