Баранавічы: трэці год запар Статкевіч-старэйшы адзначыў свой дзень народзінаў без сына Мікалая

2013 2013-01-21T08:10:19+0300 1970-01-01T03:00:00+0300 be http://spring96.org/files/images/sources/stat-backa-dzen-naradz.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

19 студзеня баранавіцкія праваабаронцы і грамадскія актывісты наведалі Статкевіча Віктара Паўлавіча – бацьку экс-кандыдата ў прэзідэнты, палітвязня Міколы Статкевіча, каб павіншаваць яго з 86-цігоддзем.

Статкевіч-старэйшы гасцінна сустрэў гасцей і быў вельмі ўзрадаваны гэтай сустрэчы. Па словах актывісткі АГП Анжалікі Камбалавай, Статкевіч-старэйшы трэці год запар адзначае свой дзень народзінаў без сына Мікалая і па-ранейшаму вельмі перажывае за яго, нягледзячы на тое, што цяпер адміністрацыя Магілёўскай турмы № 4 палепшыла Мікалаю Статкевічу рэжым утрымання. Статкевіч-старэйшы зачытаў гасцям віншавальныя паштоўкі ў свой адрас і лісты, якія атрымаў ад Мікалая напярэдадні і пасля Новага года і Калядаў. Гаварылі таксама пра лёс іншых палітзняволеных. Госці чыталі навагоднія адказы і віншаванні Мікалая Статкевіча, Паўла Севярынца, Алеся Бяляцкага, Мікалая Аўтуховіча, Зміцера Дашкевіча ў адрас баранавіцкіх аднадумцаў і сяброў.

Актывісты і паплечнікі Міколы Статкевіча выказалі яго бацьку словы падтрымкі і падзякавалі за тое, што ён выгадаваў сапраўды мужнага барацьбіта за свабоду беларусаў.

Кандыдат у прэзідэнты на мінулых выбарах Мікалай Статкевіч асуджаны па артыкулу аб масавых беспарадках на 6 гадоў пазбаўлення волі за ўдзел у дэманстрацыі пратэсту супраць фальсіфікацыі прэзідэнцкіх выбараў 19 снежня 2010 года.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international