Ажубаліс заклікаў урад Беларусі перагледзець сваё рашэньне аб закрыцьці офіса АБСЭ

2011 2011-01-01T12:08:00+0200 1970-01-01T03:00:00+0300 be

Міністар замежных спраў Літвы Аўдронюс Ажубаліс, які прымае пасаду дзейнага старшыні Арганізацыі па бясьпецы і супрацоўніцтву ў Эўропе (АБСЭ), заклікаў урад Беларусі перагледзець сваё рашэньне аб непадаўжэньні мандата офіса АБСЭ ў Менску.

Заява Ажубаліса зьмешчана на сайце літоўскага Міністэрства замежных спраў.

Ажубаліс выказаў "глыбокае шкадаваньне" з нагоды непадаўжэньня беларускімі ўладамі мандата офіса.

"Гэта тым больш расчароўвае ў сьвятле абавязацельстваў, узятых на сябе кіраўнікамі дзяржавы і ўрада на саміце АБСЭ ў Астане", - гаворыцца ў заяве.

Паводле дыплямата, з 1998 года офіс АБСЭ ў Менску аказваў каштоўную падтрымку намаганьням ўрада дзеля садзейнічаньня істытуцыйнаму будаўніцтву, умацаваньня вяршэнства закона і разьвіцьця стасункаў з грамадзянскай супольнасьцю ў адпаведнасьці з прынцыпамі і забавязаньнямі АБСЭ, а таксама на распрацоўку мер у эканамічнай і экалягічнай сфэрах.

"Мандат офіса не быў выкананы. Ёсьць важная праца для працягу дзейнасьці АБСЭ ў Беларусі".

Ажубаліс заклікаў беларускія ўлады перагледзець сваю пазыцыю, каб АБСЭ змагла захаваць сваю прысутнасьць у Менску.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international