Віцебскага актывіста Барыса Хамайду не пакідаюць у спакоі

2008 2008-03-11T21:43:24+0200 1970-01-01T03:00:00+0300 be http://spring96.org/files/images/sources/chamajd1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Барыс Хамайда

Барыс Хамайда

 

Сёньня ўчастковы з Чыгуначнага РАУСа Віцебска ўзяў пісьмовыя тлумачэньні ў старэйшага дэмакратычнага актывіста рэгіёна. Пры гэтым ён паведаміў Барысу Хамайду, што галоўная рэдактарка газеты “Віцебскі рабочы” Алена Бегунова напісала ў пракуратуру заяву наконт ананімнага ліста з пагрозамі, які прыйшоў на яе адрас.

 

Нейкі “дабразычлівец” абураецца амаральным учынкам рэдактаркі, якая надрукавала ў сваёй газеце зьняважлівы для Барыса Хамайды артыкул і пагражае ёй зьмясьціць у інтэрнэце падробленыя ў “фоташопе” фотаздымкі аўтаркі пасквіля.

 

Як паведамляе праваабаронца Леанід Сьвецік, ксэракопію ананімнага рукапіснага ліста участковы зрабіць не дазволіў, але з яго зьместам азнаёміў.

Актывіст Барыс Хамайда катэгарычна адмовіўся ад аўтарства ананімкі.

 

А вось ці адмовіць пракуратура ва ўзбуджэньні крымінальнай справы, ці закруціцца судовы механізм – пакажа час. Але зараз можна зразумець толькі адно: і зняважлівы артыкул пра “стрыптызера” Хамайду, створаны нездаровай фантазіяй Бегуновай, і падазрэньне ў напісаньні ім ананімкі, ставяць на мэце адно – скампраментаваць імя мясцовага актывіста. Прынамсі такія ідэалагічныя замовы зараз нярэдка выконваюць прыкарытныя “акулы пяра” з абласных дзяржаўных газет Гомельшчыны і Гарадзеншчыны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international