Праваабарончы цэнтр «ВЯСНА»

Навіны за Ліпень 2014

23.07.2014 Як апантана міліцыя ўпякае ў ЛТП. Сведчанне мінчука

У апорцы - віно для затрыманых, на раніцу - медкамісія, а да вечара - і суд. Жыхар Менска распавёў праваабаронцам, якімі метадамі праваахоўнікі ўпякаюць «нядбайных» грамадзянаў у ЛТП.

23.07.2014 Іртутнае срэбра жыцця Алеся Бяляцкага (поўнае відэа)

“Іртутнае срэбра жыцця” — першая з кніг старшыні Праваабарончага цэнтра “Вясна”, віцэ-прэзідэнта FIDH Алеся Бяляцкага, прэзентацыя якой адбылася ў Мінску 22 ліпеня з удзелам самога аўтара.

23.07.2014 Тамару Сяргей хочуць закратаваць за лісты да ўладаў

З 22 ліпеня падпісантаў калектыўных зваротаў ў Адміністрацыю прэзідэнта — актывістаў Грамадзянскай ініцыятывы супраць беззаконня ў судах і пракуратуры выклікаюць на апытанні ў Галоўнае ўпраўленне па барацьбе з арганізаванай злачыннасцю і карупцыяй Міністэрства ўнутраных справаў.

23.07.2014 Да працэсу люстрацыі беларускае грамадства неабходна рыхтаваць загадзя

Чарговы круглы стол «Актуальнасць люстрацыі на сучаснай постсавецкай прасторы», правяла на мінулым тыдні грамадская ініцыятыва “Люстрацыя для Беларусі”.

23.07.2014 Канстытуцыйны суд узяўся за вывучэнне прабелаў у моўным заканадаўстве

Вывучэннем прабелаў у моўным заканадаўстве зоймецца Канстытуцыйны суд. Пра гэта паведамляе салігорскі праваабаронца Аляксей Валабуеў. На свой зварот у судовую інстанцыю грамадскі дзеяч атрымаў першую рэакцыю.

23.07.2014 Тры пікеты забаранілі ў Оршы

Тры акцыі 27 ліпеня, у дзень прыняцця Дэкларацыі аб дзяржаўным суверэнітэце Беларусі, хацелі правесці аршанскія актывісты АГП – у Парку герояў, на пляцоўцы перад уваходам у кавярню "Аронія" і ў парку культуры і адпачынку тэкстыльшчыкаў. Усе тры месцы вызначаныя ўладамі для правядзення масавых мерапрыемстваў.

23.07.2014 Гродзенскі актывіст АГП падаў скаргу ў КПЧ ААН

22 ліпеня старшыня гродзенскай гарадской арганізацыі АГП Ежы Грыгенча накіраваў скаргу ў Камітэт па правах чалавека ААН. Падставай для звароту ў наднацыянальны орган абароны правоў чалавека стала рашэнне Ленінскага суда Гродна, які пад старшынствам суддзі Алены Пятровай аштрафаваў яго за актыўны ўдзел у масавым мерапрыемстве.

22.07.2014 Юрый Рубцоў: «Мне фактычна адмоўлена ў правасуддзі»

Жыхар Гомеля, грамадскі актывіст Юрый Рубцоў 22 ліпеня накіраваў скаргу на пастанову суда Маскоўскага раёна Мінска ў судовую калегію па грамадзянскіх справах Мінскага гарадскога суда. Ён просіць Мінскі гарадскі суд адмяніць пастанову суда Маскоўскага раёна Мінска, перадаўшы справу на новы разгляд у той жа суд іншаму суддзі.

22.07.2014 У Гомелі затрыманы грамадскі актывіст Уладзімір Няпомняшчых

Ён зараз у апорным пункце. Пратакол пакуль міліцыя не складала – чакае кіраўніцтва. Уладзімір Няпомняшчых мяркуе, што прэтэнзіі міліцыянераў будуць да яго майкі, у якой ён зараз апрануты. На майцы напісана з аднаго боку «За Беларусь без Лукашэнкі», з другога - «Хватит, достал!».

22.07.2014 Суд не стаў разглядаць скаргу Юрыя Рубцова на дзеянні міліцыянераў і ЦІП

Актывіст прасіў прызнаць неправамоцнымі дзеянні міліцыянераў, якія забралі ў яго майку і затым прывезлі ў суд аголеным да пояса, а таксама абавязаць праваахоўнікаў вярнуць яму майку. Таксама заяўнік прасіў суд ануляваць рахунак за ежу, які яму выставіў ЦІП на Акрэсціна.

22.07.2014 Пікет Ігара Пастнава да дня народзінаў Аляксандра Лукашэнкі – пад пытаннем

Гэтае пытанне паставіла перад арганізатарам адміністрацыя Кастрычніцкага раёну, запатрабаваўшы дамовы на абслугоўванне акцыі са службы ЖКГ. Незразумела, чаму, але дамоваў з міліцыяй і медыкамі, неабходных паводле закону аб масавых мерапрыемствах і ў адпаведнасці з адмысловым рашэннем Віцебскага гарвыканкаму, чыноўнікі не патрабуюць.

22.07.2014 Звыш 40 пікетаў, планаваных у Гомелі, забаронены гарвыканкамам

Гомельскі гарвыканкам традыцыйна не даў дазвол на правядзенне ў абласным цэнтры пікетаў. Нагадаем, праваабаронцы і актывісты дэмакратычных арганізацый і палітычных партый планавалі правесці ў Гомелі 27 ліпеня, у гадавіну прыняцця Дэкларацыі аб суверэнітэце, 40 пікетаў.

22.07.2014 Максім Вінярскі: Узровень адчувальнасці, які зараз праяўляе маскоўская паліцыя, паказвае, што шызафрэнія прагрэсуе

Група грамадскіх актывістаў з Беларусі прыняла ўдзел у жалобе з нагоды заўчаснай смерці вядомай расійскай праваабаронцы і палітыка Валерыі Навадворскай. Сярод тых, хто праводзіў у апошні шлях Навадворскую быў і актывіст “Еўрапейскай Беларусі” Максім Вінярскі.

22.07.2014 Праваабарончая праграма “Людзьмі звацца!” на хвалях Беларускага Радыё Рацыя

“Асоба. Дзяржава. Грамадства”: госць рубрыкі – актывіст кампаніі “Еўрапейская Беларусь” Максім Вінярскі, які днямі вярнуўся з Масквы, дзе браў удзел у жалобе з нагоды заўчаснай смерці праваабаронцы і грамадскай дзяячкі Валерыі Навадворскай.

21.07.2014 Баранавічы: Мікалай Чарнавус аштрафаваны

Баранавіцкі гарадскі суд 21 ліпеня прызнаў індывідуальнага прадпрымальніка Мікалая Чарнавуса вінаватым ў парушэнні артыкула 23.34 ч.3 КаАП Рэспублікі Беларусь – арганізацыя і правядзенне 1 ліпеня масавага несанкцыянаванага мерапрыемства мясцовых прадпрымальнікаў на Цэнтральным кааператыўным рынку горада.