Праваабарончы цэнтр «ВЯСНА»

Навіны за Травень 2012

25.05.2012 Дзярждэп ЗША нагадаў пра зьніклых палітыкаў

Сёньня Дзярждэпартамэнт ЗША абнародаваў штогадовую справаздачу аб стане правоў чалавека ў сьвеце ў 2011 годзе. Частка справаздачы, прысьвечаная Беларусі, якая ў дакумэнце называецца «аўтарытарнай дзяржавай», зьмяшчае моцна крытычныя ацэнкі.

25.05.2012 Слонімская ЖКГ пагражае выкінуць людзей на вуліцу

Пагрозы на адрас жыльцоў інтэрната па Чырвонаармейскай вуліцы горада Слоніма з'явіліся пасля таго, як адміністрацыя Слонімскай ЖКГ даведалася пра іх калектыўны зварот да старшыні Слонімскага райвыканкама з просьбай аформіць інтэрнат пад маласямейнае жыллё па прыкладу іншых гарадоў.

25.05.2012 Асобы: Уладзімір Лабковіч

У Раду (незарэгістраванага) праваабарончага цэнтра «Вясна» ўваходзяць пяць чалавек. Чацвёра з іх — героі гэтых нарысаў. Уладзімір Лабковіч — самы малады. Спадзяюся, адзін з адказаў на пытанне, чаму менавіта яму ў «Вясне» аддаюць перавагу, і будзе ў тэксце.

25.05.2012 Андрэй Бандарэнка судзіцца з Белтэлерадыёкампаніяй

7 чэрвеня 2012 году ў судзе Першамайскага раёну Менска адбудзецца судовае паседжанне па грамадзянскім пазове кіраўніка Інфармацыйна-асветніцкай установы “Платформа” Андрэя Бандарэнкі да Нацыянальнай дзяржаўнай тэлерадыёкампаніі Рэспублікі Беларусь. Пачатак разгляду – у 9:10 раніцы.

25.05.2012 Пайшла з жыцця маці Вольгі Захаранкі

24 траўня памёрла Тамара Канстанцінаўна Багданава, цешча экс-міністра ўнутраных спраў Юрыя Захаранкі, які быў гвалтоўна выкрадзены невядомымі 13 гадоў таму і лёс якога дагэтуль невядомы.

24.05.2012 Прысуд Алегу Воўчаку — 9 сутак

Судовы працэс завершаны. У судзе дапытаныя сьведкі – міліцыянты і Зьміцер Кухлей. Судзьдзя пайшла выносіць рашэньне, якое павінна быць агучанае праз паўгадзіны. Алега Воўчака асудзілі на 9 сутак арышту.

24.05.2012 Вызвалення Алеся Бяляцкага патрабавалі ў Санкт-Пецярбургу. Фотарэпартаж

24 траўня на адной з пешаходных вуліц Піцера разгарнуўся пікет з лозунгамі "Свободу Алесю Беляцкому!", "Нет политическим репрессиям!", беларускамоўнымі - "Вясна прыйдзе і ў Беларусь" і "Не - паліцэйскай дзяржаве" ды іншымі. І ўсё - пад жалезным наглядам паліцэйскага.

24.05.2012 Уладзіміра Яроменка пакаралі 10 суткамі арышту

Уладзімір Яроменак пакараны 10 суткамі арышту. Таксама стала вядома, што з ЦІП на Акрэсціна своечасова не выйшаў актывіст "Маладога фронту" Зміцер Крэмянецкі.

24.05.2012 Скарга грамадскага аб’яднання “За справядлівыя выбары” зарэгістраваная ў ААН

У сярэдзіне мінулага года Міністэрства юстыцыі Беларусі адмовіла заснавальнікам Сяргею Калякіну, Валерыю Ухналёву і Віктару Карняенку ў дзяржаўнай рэгістрацыі грамадскага аб'яднання “За справядлівыя выбары”. Вярхоўны суд пацвердзіў высновы рэгіструючага органа, тым самым паставіўшы сябраў аб'яднання ў нелегальнае становішча.

24.05.2012 «Жыве Беларусь» у Канах

Кінастужка «Жыве Беларусь» польскага рэжысэра Кшыштафа Лукашэвіча пабудаваная на рэальных падзеях. Яна апавядае пра змаганьне беларускае моладзі супраць дыктатуры. Сярод беларускіх патронаў фільму, каму значыцца падзяка ў тытрах, - Алесь Бяляцкі.

24.05.2012 Праваабаронца папрасіў міліцыю забяспечыць права на распаўсюд інфармацыі

Праваабаронца, актывіст кампаніі «Наш Дом» Мікалай Петрушэнка накіраваў ліст начальніку УУС Віцебскага аблвыканкама Аляксандру Найдзенка, у якім патрабуе растлумачыць прычыны канфіскацыі друкаванай прадукцыі ў журналісткі «Віцебскага кур'ера» Юліі Канаплёвай.

24.05.2012 Прапагандыст бачыць пагрозу "крушэння краіны" ў адзначэнні дня памяці ахвяраў СНІДу

Карэспандэнта газеты гомельскай райадміністрацыі «Савецкі раён» Аляксандра Яўсеенку абурае адзначэнне Сусветнага Дня памяці ахвяраў ВІЧ/СНІДу. “Не прымем пагрозу нашым падрастаючым пакаленням сур'ёзна, увальемся добраахвотна ў каламутны паток ўсеагульнай «талерантнасці» - праз дзесятак гадоў нас возьмуць голымі рукамі”, - папярэджвае грамадскасць журналіст.

24.05.2012 Лукашэнка ня вызваліць палітвязьняў

Беларусь чакае «канкрэтных крокаў» ад Захаду і афіцыйны Менск ня будзе мяняць сваю пазыцыю што да «вызваленьня палітвязьняў», заявіў прэзыдэнт Беларусі Аляксандар Лукашэнка.

24.05.2012 Затрыманы праваабаронца Алег Воўчак

Гэта адбылося ў 14:30 у Мінску ля парку Дружбы народаў.

24.05.2012 ЛТП: прымусовая праца ў жахлівых умовах

Мінчука Сяргея Макойця, які быў змешчаны па рашэньні суду Фрунзенскага раёна Менска ў ЛТП тэрмінам на 1 год, яшчэ ў сакавіку мінулага года проста з месца працы забралі супрацоўнікі міліцыі, паведаміўшы, што нібыта ён рэгулярна спажывае алкагольныя напоі.