Праваабарончы цэнтр «ВЯСНА»

Навіны за 30 траўня 2012

30.05.2012 Барыс Хамайда - як заўсёды на сваім звычайным месцы (відэа)

Вядомага рэгіянальнага апазіцыянера Барыса Хамайду, які амаль штодня стаіць у цэнтры гораду ля так званага Сіняго дому і распаўсюджвае пад нацыянальным сцягам (ці парасонам) беларускія незалежныя выданні, можна смела назваць жывой легендай Віцебску. Ні бясконцыя затрыманні, ні суды, ні арышты, ні штрафы не далі мясцовым уладам жаданага выніку - спыніць ягоную дзейнасць.

30.05.2012 Чарговыя адміністратыўныя арышты ў Менску (абноўлена)

Адміністратыўнымі арыштамі тэрмінам 5 сутак пакараныя актывісты арганізацыі нацыянал-бальшавікоў Контуш і Сіняк, а таксама прадстаўнік "Еўрапейскай Беларусі" Максім Вінярскі. Івана Амельчанку, які сёння мусіў быць вызвалены пасля адбыцця 15-суткавага арышту, не выпусцілі з ЦІП на Акрэсціна.

30.05.2012 Front Line Defenders зноў патрабуе зняцця абмежаванняў на выезд за мяжу беларускіх праваабаронцаў

Міжнародная праваабарончая арганізацыя Front Line Defenders распаўсюдзіла чарговую заяву з нагоды незаконных забаронаў на выезд за мяжу, уведзеных у дачыненні Алега Гулака, Гары Паганяйлы, Валянціна Стэфановіча і Жанны Літвіной, паўтараючы свой заклік аб неадкладным зняцці ўсіх абмежаванняў.

30.05.2012 “Вясна” патрабуе спыніць незаконныя адміністратыўныя арышты грамадскіх актывістаў

Праваабарончы цэнтр “Вясна” асуджае незаконнае прыцягненне да адміністратыўнай адказнасці ў выглядзе арыштаў моладзевых актывістаў Мускага Міхаіла, Крэменецкага Зьміцера, Васільева Рамана, Дземідзенкі Мікалая, Вінаградава Паўла, а таксама праваабаронцу Алега Воўчака.

30.05.2012 У Оршы забаронена 14 пікетаў за свабодныя выбары

Аршанскі гарвыканкам, захоўваючы вернасць традыцыям, адмовіў актывістам АГП у дазволе на правядзенне 31 мая пікетаў за свабодныя выбары. Па ўсіх 14-і заяўках атрыманы адмоўны адказ. Прычыны для адмоваў традыцыйныя - адсутнасць дамоваў з міліцыяй на ахову, медыцынскае абслугоўванне і прыборку смецця.

30.05.2012 Магілёўцы хочуць праводзіць масавыя мерапрыемствы па месцы жыхарства грамадзян

Такая ідэя нарадзілася ў прадстаўнікоў грамадскіх арганізацый і ініцыятыў падчас круглага стала 28 траўня, на якім актывісты абмеркавалі пытанні пошуку найбольш дзейсных метадаў абароны грамадскіх інтарэсаў.

30.05.2012 Гулак: Нават пры даволі мяккім прысудзе ў краіне з'явіўся новы палітвязень

Нагадаем, што Першамайскі суд Мінска асудзіў Васіля Парфянкова на 6 месяцаў арышту. Яго прызналі вінаватым у парушэнні нормаў прэвентыўнага нагляду. Папярэдні прысуд Парфянкоў атрымаў па "справе 19 снежня 2010 года".

30.05.2012 Дземідзенка хацеў сесьці сам. Не атрымалася

29 траўня а 17:00 Мікалай Дземідзенка зьбіраўся самастойна прыйсьці ў ЦІП па Акрэсьціна ў Менску для адбыцьця пакараньня, але яго перахапілі й прывезьлі ў ізалятар прымусова.

30.05.2012 Чаму спецназ грузіў дзяцей у аўтазакі на вуліцы Варанянскага

Спецназ 29 траўня затрымаў фанатаў перад матчам «Тарпеда» — «Партызан». Фанаты «Тарпеда» на стадыёне не з’явіліся, усе сектары занялі «партызаны». Ім далі каманду разыходзіцца, і проста на арэну заехаў аўтазак. Найбольш актыўным «ультрас» мякка прапанавалі заняць месца ў самым папулярным беларускім сродку перасоўвання.