Вызвалення Алеся Бяляцкага патрабавалі ў Санкт-Пецярбургу. Фотарэпартаж
24 траўня на адной з пешаходных вуліц Піцера, Малой Канюшневай, разгарнуўся пікет з лозунгамі "Свободу Алесю Беляцкому!", "Нет политическим репрессиям!", "Темницы рухнут – и Свобода!", "Усы, усы, вы что-то проглядели, вы что-то недопоняли, усы!", а таксама беларускамоўнымі - "Вясна прыйдзе і ў Беларусь" і "Не - паліцэйскай дзяржаве".
Актывісты-праваабаронцы з АДЦ "Мемарыял" правялі акцыю ў падтрымку беларускага палітвязня - кіраўніка Праваабарончага цэнтра "Вясна" і віцэ-прэзідэнта Міжнароднай федэрацыі за правы чалавека Алеся Бяляцкага.
Адзін з лозунгаў пікетоўшчыкаў нагадвае пра часы сталінскага тэрору, калі Пецярбург быў падобны на адну вялікую турму. Гэта цытата з верша папулярнага паэта-дысідэнта Юрыя Дамброўскага: "Вусы, вусы, вы нешта прагледзелі, вы нешта зразумелі, вусы!"
Гэтым разам акцыя піцерскіх праваабаронцаў у падтрымку Алеся Бяляцкага абышлася без затрыманняў.
А парадак і грамадскую бяспеку забяспечваў паліцэйскі вартаўнік.
Дарэчы, гэту статую да абурэння грамадзянскіх актывістаў улады ўсталявалі на Малой Канюшневай не так даўно, у 1998-ым.
Чорныя балонікі, сімвалізуючыя разбураныя турмы, панесліся ў неба пад лозунгам "Темницы рухнут - и Свобода!". А раптам даляцяць да Бабруйска!
