Праваабарончы цэнтр «ВЯСНА»

Навіны за Сакавік 2011

28.03.2011 25 сакавіка ў Віцебску былі затрыманыя Таццяна Севярынец і Уладзіслаў Старавераў

Абое правялі ў міліцыі па тры гадзіны. Тацяна Севярынец была затрымана нібыта “па падазрэньні ў сэрыі кватэрных крадзяжоў”, незалежны журналіст – па падазрэньні ў пэдафіліі.

28.03.2011 Нямецкіх журналістаў злавілі ў памежнай зоне

24 сакавіка памежны нарад вайсковай часткі 1242 аддзела берагавой аховы Гомельскай памежнай групы затрымаў двух нямецкіх журналістаў — кіраўніка карэспандэнцкага пункта «DEUTCHLANDRADIO» ў Маскве Роберта Баага і карэспандэнтку «Рэйнскай газеты» Дорыс Хэйман. Падчас вобшуку журналістаў прымусілі распрануцца.

28.03.2011 Міліцыянт так і сказаў: “Ну як вам гэты цырк?”

Баранавіцкая грамадская актывістка Лера Бандарэнка і яе сябра Антось Мінейка былі затрыманы супрацоўнікамі міліцыі ў Менску на выхадзе са станцыі метро “Плошча Якуба Коласа”. Гэта здарылася прыкладна ў шэсць гадзін вечара 25 сакавіка, калі яны спрабавалі прыняць удзел у святкаванні Дня Волі.

28.03.2011 Сяргей Рыжоў стварае новую беларускую партыю і новы міжнародны рух

Экс-прэтэндэнт на ўдзел у прэзідэнцкіх выбарах, жыхар Віцебска Сяргей Рыжоў, які сышоў з выбарчай гонкі на этапе збору подпісаў, стаў ініцыятарам стварэння Беларускай Кансерватыўнай Партыі “Белая Русь” і міжнароднага руху “За новы свет! За абноўленага чалавека!”

28.03.2011 Барыс Хамайда прапануе напісаць агульнанацыянальную дыктоўку ў СІЗА КДБ

“Вельмі жадаў бы, каб тэкст дыктоўкі “Ліст з-пад шыбеніцы” Кастуся Каліноўскага, напісаны мной 25 сакавіка 2011, быў перададзены зняволенаму Паўлу Севярынцу”, - піша віцебскі апазіцыянер Старшыні КДБ Рэспублікі Беларусь.

28.03.2011 Тыднёвы агляд паслявыбарчай сітуацыі ў Беларусі (21-27 сакавіка)

22 сакавіка адразу ў двух судах Менску пачаліся працэсы па палітычна матываваных крымінальных справах. Адзін з іх – над маладафронтаўцамі Змітром Дашкевічам і Эдуардам Лобавым (па ч.3 арт. 339 КК РБ – злоснае хуліганства) у выніку завяршыўся вынесеннем новых прысудаў: З. Дашкевічу – 2 гады калоніі агульнага рэжыму, Э. Лобаву – 4 гады ўзмоцненага рэжыму. Важная гістарычная дата 25 сакавіка – Дзень Волі стала падставай для ўзмацнення ціску на прадстаўнікоў апазіцыі і сродкаў масавай інфармацыі, прэвентыўных затрыманняў і арыштаў.

28.03.2011 Уладзімір Правальскі ініцыюе рэферэндум за адстаўку Лукашэнкі

Экс-прэтэндэнт на ўдзел у мінулых прэзідэнцкіх выбарах прапануе далучыцца да ініцыятыўнай групы ўсім ахвотным. Паводле спадара Правальскага, прычынай для адстаўкі Аляксандра Лукашэнкі можа быць “страта даверу да яго з боку выбаршчыкаў Рэспублікі Беларусь”.

28.03.2011 КДБ заяўляе, што ўстанавіў яшчэ трох падазраваных у справе 19 сьнежня

Камітэт дзяржбясьпекі ўстанавіў яшчэ трох чалавек, якія падазраюцца ва удзеле ў масавых беспарадках у Менску 19 сьнежня 2010 году. Пра гэта гаворыцца ў паведамленьні Цэнтру інфармацыі і грамадзкіх сувязяў КДБ, распаўсюджаным 26 сакавіка.

28.03.2011 Івашкевіча за Дзень Волі абвінавацілі ў дробных хуліганстве

Віктара Івашкевіча, якога затрымалі 25 сакавіка каля плошчы Якуба Коласа, абвінавацілі ў дробным хуліганстве.

26.03.2011 У Брэсце затрымана актывістка “Маладога Фронту”

26 сакавіка ў Брэсце супрацоўнікамі Ленінскага РАУС затрымана актывістка “Маладога Фронту” Паліна Панасюк. На яе складзены пратакол за парушэнне артыкулаў 17.1 і 23.4 Кодэкса аб адміністратыўных правапарушэннях. Паліна змешчана ў ІЧУ Ленінскага РАУС, да суда 28 сакавіка. Дома ў Паліны засталося малое дзіця.

25.03.2011 Дзень Волі: хроніка перасьледу

21.15 Прэвентыўна затрыманых апазіцыянераў пачалі выпускаць. Актывіст "Еўрапейскай Беларусі" Андрэй Молчан паведаміў, што яго толькі што адпусцілі з міліцыі -- прыкладна з 13 гадзінаў ён знаходзіўся ў Партызанскім РУУС сталіцы.

25.03.2011 Спіс затрыманых на Дзень Волі ў Менску і рэгіёнах

Сьпіс няпоўны. Будзе ўдакладняцца.

25.03.2011 За нашу і вашу Волю!

Шаноўныя сябры! Віншуем усіх са сьвятам беларускай дзяржаўнасьці - Днём Волі 25 сакавіка. Гэтая лёсавызначальная дата - не толькі напамін пра мінулыя слаўныя падзеі, гэта заклік да рэальных дзеянняў на карысць сваёй будучыні.

25.03.2011 Пяць гадзін “прафілактычнай” гутаркі

Пяць гадзін правёў 25 сакавіка ў Полацкім РАУС Віктар Калеснік, актывіст “Свабоднага рэгіёну”. Удзень ён быў зняты з маршруткі, якая ехала ў Менск. У РАУС Віктару патлумачылі, што ён не затрыманы, а дастаўлены для “прафілактычнай” гутаркі.

25.03.2011 У Менску затрымалі актывістаў АГП

Сябры АГП Анастасія Бузінаева, Аляксандр Жукаў, Наталля Толкач набылі ў краме кветкі і іх адразу на выхадзе затрымалі. Гадзіну пратрымалі ў аўтобусе, а потым павезлі ў РАУС Савецкага раёна.