Праваабарончы цэнтр «ВЯСНА»

Навіны за 8 кастрычніка 2010

08.10.2010 У «Інстытуце глебазнаўства і аграхіміі» прымушаюць падпісвацца за Лукашэнку

Супрацоўнікам РУП «Інстытута глебазнаўства і аграхіміі» яшчэ тыдзень таму паведамілі, што не варта падпісвацца за іншых кандыдатаў акрамя Лукашэнкі. Першапачаткова гэта гучала як папярэджанне — вам жа лепей будзе, бо ўся інфармацыя па спісах потым ад ЦВК спусціцца да працадаўцаў.

08.10.2010 Брэст: Сябра абласной выбарчай камісіі ўваходзіць у ініцыятыўную групу Аляксандра Лукашэнкі

Намеснік дырэктара ААТ «Прадтавары» па кадрах і ідэалагічнай працы Вера Шульжэнка, якая стала сябрам Брэсцкай абласной тэрытарыяльнай камісіі, адначасова ўваходзіць у склад ініцыятыўнай групы па вылучэнні кандыдатам у прэзідэнты РБ Аляксандра Лукашэнкі. У фірме «Прадтавары» досыць актыўна прайшоў збор подпісаў менавіта за гэтага вылучэнца.

08.10.2010 Варшаўскія актывісты руху супраць сьмяротнага пакараньня запрашаюць беларусаў

Напрацягу трох дзён у Варшаве праходзяць Еўрапейскія дні супраць сьмяротнага пакараньня. Цікавая праграма, якую прадрыхтавалі грамадскія і праваабарончыя арганізацыі, прапануе самыя разнастайныя мерапрыемствы.

08.10.2010 Канцэрт супраць сьмяротнага пакараньня ў Вільні

10 кастрычніка ва ўсёй Еўропе адзначаюць Міжнародны дзень супраць сьмяротнага пакараньня. У гэты дзень у Вільні музыкі з Беларусі і Літвы адыграюць разам канцэрт на адной сцэне, каб заклікаць людзей сказаць “НЕ!” сьмяротнай кары ў Беларусі.

08.10.2010 Пікету супраць сьмяротнага пакараньня ў Барысаве ня быць

Барысаўскія праваабаронцы 20 верасьня падалі ў мясцовы райвыканкам заяўку на правядзеньне пікету супраць сьмяротнага пакараньня. Учора стала вядома, што правядзеньне пікету забаронена мясцовымі ўладамі.

08.10.2010 У Мінску пакажуць, што «Сьмерць - гэта не правасуддзе»

Сёньня ў Мінску адкрыецца выстаўка "Сьмерць - гэта не правасуддзе», прымеркаваная да Міжнароднага дня барацьбы супраць сьмяротнага пакараньня, які адзначаецца 10 кастрычніка.

08.10.2010 Навалукомль: Пасля 15 сутак утрымання актывіста выпусцілі з псіхіятрычнай бальніцы

50-гадовы жыхар Навалукомля, якога супрацоўнікі міліцыі пад канвоем даставілі ў псіхіятрычную бальніцу, вярнуўся дахаты. Ён адразу далучыўся да ініцыятыўных груп Мікалая Статкевіча і Уладзіміра Някляева, як і планаваў да гвалтоўнага змяшчэння ў бальніцу.

08.10.2010 “Віцьбічы” піша пра збор подпісаў за вылучэнне А.Лукашэнкі, прозвішчы іншых прэтэндэнтаў не называюцца

У артыкуле “Возле пикета оживленно” ( «Віцьбічы» ад 7.10.2010), надрукаваным у віцебскай гарадской газеце, апісана паспяховая праца збіральнікаў подпісаў за дзеючага прэзідэнта. Прозвішчы іншых прэтэндэнтаў, за якіх збіраюць подпісы на суседніх пікетах, падкрэслена не названы.

08.10.2010 Лідэру ініцыятыўнай групы Някляева на Случчыне абвясцілі аб звальненні

7 кастрычніка Анатолю Юрэвічу, кіраўніку ініцыятыўнай групы Уладзіміра Някляева на Случчыне, паведамілі аб скасаванні кантракту. А напярэдадні галоўны інжынер прадпрыемства ўручыў яму падзяку, і з ім была складзена дадатковая дамова, у якой абумоўлівалася павышэнне заробку.

08.10.2010 Брэст: Бібліятэкараў прымушаюць падпісвацца за Аляксандра Лукашэнку

У рэдакцыю газеты «Брестский курьер» патэлефанавала адна з супрацоўніц Цэнтральнай гарадской бібліятэкі Брэста і распавяла, што адміністрацыя ўстановы абавязала ўсіх супрацоўнікаў прынесці свае пашпарты і паставіць свае подпісы за вылучэнне кандыдатам у прэзідэнты Аляксандра Лукашэнку.

08.10.2010 Зборшчыкаў подпісаў не пускаюць у салігорскія інтэрнаты

На працягу трох дзён сябра ініцыятыўнай групы Уладзімера Някляева спрабаваў патрапіць у інтэрнаты салігорскіх навучальных устаноў. Але загад кіраўніцтва быў адназначны - не пускаць. Зборшчык падрыхтаваў скаргі ў раённую выбарчую камісію і пракуратуру.

08.10.2010 Слуцк: Настаўнікам пагражаюць звальненнем за подпісы ў падтрымку Раманчука і Някляева

Дырэктар школы сабрала педкалектыў і абвесціла, што звольніць настаўнікаў, якія падпісаліся ў падтрымку дэмакратычных прэтэндэнтаў. Яна растлумачыла, што дадзенае распараджэнне атрымала ад намесніка старшыні райвыканкама па ідэалогіі Пятра Даўгучыца і начальніка аддзела ідэалогіі Ларысы Дабровольскай.

08.10.2010 Магілёўскі абласны суд не задаволіў скаргу “Справядлівага свету”

7 кастрычніка адбыўся разгляд скаргі Магілёўскім абласным судом у сувязі з неўключэннем прадстаўніка ад Беларускай партыі левых “Справядлівы свет” Анатоля Заўялава ў склад абласной выбарчай камісіі.

08.10.2010 У маладэчанскіх СМІ альтэрнатыўныя прэтэндэнты – праз коску

У маладэчанскіх афіцыйных СМІ побач з любым матэрыялам пра выбары заўсёды сустракаецца прозвішча “Лукашэнка”. Пра астатніх прэтэндэнтаў у кандыдаты з моманту абвяшчэння выбараў напісалі толькі адзін раз у сувязі з рэгістрацыяй іх ініцыятыўных груп.

08.10.2010 Барысаў: Адміністрацыя гандлёвага дома хацела забараніць Някляеву збіраць подпісы

У Барысаў зачасцілі апазіцыйныя прэтэндэнты ў кандыдаты на прэзідэнцтва. 6 кастрычніка з барысаўчанамі сустракаўся Яраслаў Раманчук, на наступны дзень - Уладзімір Някляеў.