Праваабарончы цэнтр «ВЯСНА»

Навіны за 11 кастрычніка 2010

11.10.2010 Агляд-хроніка парушэньняў правоў чалавека ў Беларусі, верасень 2010 году

Пачатак восені ў грамадзка-палітычным жыцьці краіны выдаўся даволі багатым на падзеі, што часткова зьвязана з набліжэньнем кампаніі па выбарах прэзідэнта Беларусі. У верасьні адбыліся сілавыя разгоны мірных акцыяў, шматколькасныя затрыманьні, працягваўся наступ на свабоду слова, адміністрацыйны перасьлед, моўная дыскрымінацыя.

11.10.2010 Мінск: Месцы працы сябраў усіх выбарчых камісій, акрамя абласной, засакрэчаны?

Хоць на сайце Мінгарвыканкаму і змешчаны склад Мінскай гарадской і дзевяці раённых выбарчых камісій, ніводнага месца працы і займаемай пасады не ўказана. Можна здагадацца, дзе працуюць тыя сябры камісій, якія вылучаліся ў іх склад ад працоўных калектываў. Але якую пасаду гэтыя людзі займаюць у гэтых калектывах і ці працуюць у іх увогуле, з ін фармацыі на сайце незразумела.

11.10.2010 Брэст: Павялічваецца колькасць вулічных пікетаў

На працягу першых дзесяці дзён збору подпісаў за вылучэнне кандыдатаў у прэзідэнты Рэспублікі Беларусь на брэсцкіх вуліцах гараджане маглі сустрэць пікеты, арганізаваныя сябрамі ініцыятыўных груп Уладзіміра Някляева, Віталя Рымашэўскага, Яраслава Раманчука, Андрэя Саннікава, Аляксандра Лукашэнкі, Рыгора Кастусёва. Цяпер жа такі метад збору подпісаў сталі выкарыстоўваць прыхільнікі яшчэ некалькіх прэтэндэнтаў.

11.10.2010 Маладэчна: Подпісы за Лукашэнку збіралі ў хворых людзей

Як стала вядома, у маладэчанскай раённай бальніцы пацыентаў прасілі падпісацца за Лукашэнку. Пры афармленні ў бальніцу хворы мусіць мець пры сабе пашпарт. Таму збіраць подпісы ў бальніцы вельмі зручна: і дакумент у пацыента ёсць, і адмаўляць медработніку, ад якога залежыць тваё здароўе, неяк няёмка.

11.10.2010 Гомель: Нечаканая ўвага да апазіцыйных пікетаў з боку дзяржаўнага тэлебачання

Раніцай да пікету па зборы подпісаў за Уладзіміра Някляева каля ўнівермагу «Гомель» падыйшлі супрацоўнікі БТ. А каля 16 гадзін пікет пачалі здымаць на відэакамеру супрацоўнікі першага гарадскога тэлеканала. Праўда, яны ў адрозненні ад сваіх калегаў прадставіліся і папрасілі дазволу на тое, каб здымаць удзельнікаў пікету.

11.10.2010 У Нароўлі пачалі датэрміновую агітацыю за Аляксандра Лукашэнку

Нараўлянская раённая газета «Прыпяцкая праўда» надрукавала артыкул «Каждый решает сам, но мы призываем сделать правильный выбор». Зразумела, які выбар лічыць правільным аўтар артыкулу, старшыня раённай арганізацыі «Белая Русь» Сяргей Канавод. Ён жа, дарэчы, намеснік галоўнага рэдактара выдання.

11.10.2010 Амаль усе патэнцыйныя кандыдаты выступаюць супраць смяротнага пакарання

Кампанія "Праваабаронцы супраць сьмяротнага пакараньня" у Беларусі зьвярнулася да патэнцыйных кандадатаў на пасаду прэзідэнта з пытаньнем, ці ёсьць у іх перадвыбарчай праграме пункт пра адмену сьмяротнага пакараньня.

11.10.2010 Улады Мінскага раёну фактычна адмянілі забарону на збор подпісаў у бальніцах і школах

Мінскі раённы выканаўчы камітэт прымаў рашэнне аб пераліку забароненых для збору подпісаў месцаў двойчы. Абодва яны абсалютна адкрыта апублікаваныя на сайце органа мясцовай улады www.mrik.gov.by. Цяжка не звярнуць увагу на некаторыя змены, якія былі ўнесены другім рашэннем праз тыдзень пасля вынясення першага.

11.10.2010 Салігорск: Раёнка дэзінфармуе выбаршчыкаў

Афіцыйнае выданне Салігорскага раённага выканаўчага камітэта "Шахцёр" надрукавала інтэрв'ю са старшынёй раённай камісіі па выбарах Прэзідэнта Лідзіяй Клішэвіч. Змест публікацыі ўвёў чытачоў у зман.

11.10.2010 У Магілёва з'явіўся новы інфармацыйны інтэрнэт-рэсурс

Дзвюхмоўны сайт арыентаваны ў першую чаргу на жыхароў абласнога цэнтру. «Асноўная задача GORAD.BY — аб’ектыўна падаваць гарадскія навіны, звесткі аб падзеях у краіне і свеце. Мы працуем для людзей!», — заяўляюць стваральнікі сайта.

11.10.2010 Брэстчына: На афіцыйных сайтах інфармацыя аб зборы подпісаў адсутнічае

На сайтах раённых выканаўчых камітэтаў Брэсцкай вобласці з'явілася тэма «Выбары», прычым змешчаная яна чамусьці ў раздзеле «Сацыяльная сфера». Аднак інфармацыі аб зборы подпісаў, які цяпер у самым разгары, на афіцыйных сайтах няма.

11.10.2010 Распачаўся судовы працэс над Міхасём Башурам

У судзе Савецкага раёна Мінска распачаўся судовы працэс над Міхасём Башурам, паэтам, адным з кіраўнікоў выдавецтва "Галіяфы" і кіраўніком мінскай суполкі кампаніі "Гавары праўду".

11.10.2010 Раман Кісляк супраць Міністэрства замежных спраў

Брэсцкі юрыст-праваабаронца Раман Кісляк атрымаў адказ з Міністэрства замежных спраў Беларусі на сваю заяву, у якой ён намагаўся адмяніць закон аб тайне часу расстрэлу і месцы пахавання прысуджанага да смяротнага пакарання.

11.10.2010 Слонім: Адміністрацыя медколеджа забараніла навучэнцам збіраць подпісы

Пра гэта паведамілі самі навучэнцы. Аднак намесніца дырэктара па выхаваўчай працы коледжа Людміла Іванова сказала, што пра такі факт яна чуе ўпершыню.

11.10.2010 Пікет каля Жыровіцкага манастыра

“Да нас падыходзілі турысты, якія прыязджаюць у Жыровічы з усёй Беларусі, а таксама семінарысты Мінскіх духоўнай семінарыі і акадэміі, што месцяцца ў Жыровічах, навучэнцы Жыровіцкага агра-тэхнічнага каледжа. Яны пыталіся, хто такі Віталь Рымашэўскі, бо нічога не ведаюць пра яго, як і пра іншых патэнцыйных кандыдатаў, акрамя Лукашэнкі”, - распавёў зборшчык подпісаў Алесь Масюк.