viasna on patreon

Хлопца за каментар асудзілі да 15 базавых велічынь штрафу

2019 2019-03-25T16:18:51+0300 2019-03-25T16:37:17+0300 be https://spring96.org/files/images/sources/sud_11.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як стала вядома ПЦ “Вясна”, яшчэ раніцай 22 сакавіка быў затрыманы Уладзіслаў Швед, які пад допісам у пабліку “Мая краіна Беларусь” ва Ўкантакце пакінуў каментар, дзе прапанаваў выйсці ўсім 25 сакавіка на пл. Якуба Коласа ў Мінску.

Сёння ён быў асуджаны ў судзе Фрунзенскага раёна г. Мінска па арт. 23.34 КаАП ("Парушэнне вызначанага парадку правядзення массавых мерапрыемстваў") да штрафу ў 15 базавых велічынь.

Трое сутка ён правёў да суда ў ІЧУ. Уладзіслаў Швед распавёў, што позна ўвечары да яго ў камеру патрапіў 44-гадовы Ілля, затрыманы за тое, што ехаў на самакаце па пл.Я. Коласа з бел-чырвона-белым сцягам. Суд над ім павінен быў адбыцца сёння ў судзе Савецкага раёна г. Мінска.

illia_stiag.jpg
Фота з сацсетак.

Апошнія навіны

Партнёрства

Сяброўства