viasna on patreon

Актывісты падалі заяўку на правядзенне акцыі ў гадавіну Слуцкага збройнага чыну

2018 2018-11-09T11:03:40+0300 2018-11-09T11:11:01+0300 be https://spring96.org/files/images/sources/batyev_amialkovich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Батуеў і Віталь Амяльковіч. Фота з сайта Руху "За Свабоду"

Павел Батуеў і Віталь Амяльковіч. Фота з сайта Руху "За Свабоду"

Прадстаўнікі Руху «За Свабоду» і Партыі БНФ Віталь Амяльковіч і Павел Батуеў восьмага лістапада падалі заяўку на правядзенне дэманстрацыі і мітынгу, прысвечаных ушанаванню памяці герояў Слуцкага паўстання 1920 года, паведамляе сайт Руху “За Свабоду”.

Правядзенне акцыі запланавана на 24 лістапада з 14.30 да 16.00. Арганізатары разлічваюць, што атрымаюць дазвол на шэсце ў цэнтры Слуцка.

Сярод заяўнікаў таксама намеснік старшыні Партыі БНФ Аляксей Янукевіч і прадстаўнік Руху салідарнасці «Разам» Генадзь Драздоў. Мэта акцыі - ушанаванне памяці паўстанцаў, "адзначэнне ўгодкаў Слуцкага паўстання як значнай падзеі для гісторыі і сучаснасці Беларусі" і беларускага войска.

«Мы разлічваем на тое, што ўлады дазволяць правядзенне мерапрыемства ў запланаваным намі фармаце. І не паўтораць свае памылкі мінулага году, калі месца збору і маршрут шэсця па ініцыятыве Слуцкага выканкаму былі небяспечнымі для ўдзельнікаў», — адзначыў Мінскі абласны каардынатар Руху «За Свабоду» Віталь Амяльковіч.

Слуцкі збройны чын (Слуцкае паўстанне) — спроба ўзброенай абароны незалежнасці Беларусі ў лістападзе і снежні 1920 году. Прыкладна месяц беларускія вайсковыя аддзелы, сфармаваныя пераважна з мясцовых сялянаў, аказвалі супраціў савецкім войскам.

Апошнія навіны

Партнёрства

Сяброўства