viasna on patreon

Скаргу Міхаіла Жамчужнага на спагнанне адміністрацыі калоніі разгледзіць суд

2017 2017-12-05T14:49:34+0300 2017-12-05T14:54:44+0300 be https://spring96.org/files/images/sources/15e4dd01-6fec-45b0-b544-47eccc3d46bc_w1023_r1_s.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Палітвязень Міхаіл Жамчужны. Фота: Радыё Свабода

Палітвязень Міхаіл Жамчужны. Фота: Радыё Свабода

Суд Горацкага раёна 8 снежня разгледзіць скаргу палітзняволенага Міхаіла Жамчужнага на першае вынесенае яму адміністрацыяй папраўчай калоніі №9 спагнанне – пяць сутак у ШІЗА.

Спагнанне было вынесена яшчэ ў пачатку жніўня, калі Міхаіла Жамчужнага адміністрацыя калоніі спрабавала перавесці ў атрад, які сфарміраваны з асуджаных з "нізкім статусам". За адмову ад пераходу на палітвязня быў складзены рапарт аб непадпарадкаванні.

На дадзены момант вядома, што суд пачнецца ў 14.30 і будзе праходзіць у адкрытым рэжыме, а Міхаіл Жамчужны меў намер падаць заяву ў адміністрацыю Горацкай калоніі аб забеспячэнні яму магчымасці ўдзелу ў працэсе. Ці даставяць палітвязня ў суд – невядома.

Нагадаем, праблемы ў Міхаіла Жамчужнага пачаліся пасля яго пераводу ў Горацкую калонію, дзе з патурання адміністрацыі для яго былі створаныя невыносныя ў сілу сваёй жорсткасці і зневажальнага характару ўмовы для адбыцця пакарання, арганізавана кампанія яго траўлі, звязаная з ўсталяваннем у асяроддзі зняволеных нефармальных адносін.

Па аналагічных падставах (адмовах пераходзіць у атрад №13) на канец лістапада ў Міхаіла Жамчужнага было ўжо 11 спагнанняў, большасць з якіх – размяшчэнне ў ШІЗА на розныя тэрміны, а таксама размяшчэнне ў памяшканне камернага тыпу на 1 месяц. На 24 кастрычніка быў прызначаны суд аб пераводзе палітвязня на турэмны рэжым зняволення, але напярэдадні судовага працэсу адміністрацыя адклікала сваё прадстаўленне.

Палітзняволены збіраецца абскарджваць усе вынесеныя яму адміністрацыяй калоніі ў Горках спагнанні.

Апошнія навіны

Партнёрства

Сяброўства