Збіты міліцыяй жыхар Івацэвічаў падаў скаргі ў пракуратуру і Следчы камітэт (фота)

2016 2016-01-27T19:22:33+0300 2016-01-27T19:22:33+0300 be http://spring96.org/files/images/sources/dyluk-siargej-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

23 студзеня каля 7 гадзін раніцы ў дзверы дома адзінокага 57-гадовага Сяргея Дылюка пастукаліся. Ён, беспрацоўны, збіраўся на працу па дамоўленасці з прадпрымальнікам. На пытанне “Хто?” яму адказалі: “Міліцыя”. Мужчына не паверыў, што так рана міліцыя нечага магла да яго пастукацца, пра што ён сумніўна выказаўся, але дзверы адчыніў. Там сапраўды стаялі ст. лейтэнант, капітан і прапаршчык. Яны адразу заявілі: паехалі ў аддзел, трэба пагаварыць. Але Дылюк сказаў, што можна пагаварыць і тут, бо ён спяшаецца на працу. Міліцыянты запярэчылі, і мужчына падпарадкаваўся.

Яго даставілі ў райаддзел, завялі ў адзін з кабінетаў і адразу запыталі: дзе прыстаўка суседа Дылюка. Пасля адказу: “Не ведаю, я да яго не хаджу” -- сталі біць. Але біць прафесійна. Да ілба прыкладалі кнігу ў чырвонай вокладцы і білі па кнізе, клалі кнігу на галаву і таксама білі. Але доўга так вазіцца надакучыла, і сталі біць нагамі. Дылюк падпісаў усе паперы, не чытаючы, бо баяўся, што заб’юць. Участковы, які нават не ведаў мужчыну і з якім у Сяргея Дылюка не было праблем, ды і наогул з законам не меў праблем, выходзячы з кабінета, ужо без кніжкі ўдарыў кулаком па галаве і без таго збітага мужчыну. Затым выпхнулі яго за дзверы міліцыі. Выпадковы мінак ўбачыў Дылюка і запытаў: “З гестапа?”

24 студзеня Сяргей Дылюк выклікаў хуткую, бо было вельмі кепска. Хуткая прыехала, яму зрабілі ўкол і з’ехалі. Але на трэці дзень, 25 студзеня, збітаму Дылюку стала зусім кепска, і ён трапіў ў траўматалагічнае аддзяленне Івацэвіцкай бальніцы. Акрамя сінякоў і ран на нагах, руках і твары, было выяўлена сатрасенне галаўнога мозга. Тыя міліцыянты, якія яго збівалі, з’явіліся да Дылюка ў палату і папярэдзілі: калі ён паскардзіцца, то ўжо яму мала не пакажацца. Маўляў, ён іх ведае. А ўчастковы прыгразіў, што будзе прыходзіць кожны дзень у любы час сутак да яго дадому, і кожны раз ён будзе трапляць у каталажку.

Але Сяргей Дылюк лічыць, што маўчаць нельга. Бо такімі метадамі міліцыянты не павінны абыходзіцца з людзьмі. Таму ён напісаў заявы ў пракуратуру Івацэвіцкага раёна і Следчы камітэт з просьбай прыцягнуць збіваўшых да крымінальнай адказнасці.

Першы намеснік начальніка міліцыі, кіраўнік крымінальнай міліцыі Сяргей Коцік, паведаміў журналісту Беларускага Радыё Рацыя, што будзе праводзіцца ўнутраная праверка, калі ў ходзе праверкі будзе ўстаноўлена, што ўчастковы і хтосці яшчэ збівалі, то яны будуць адхілены ад працы, але Дылюк нікога не называе. Але як яму кагосці назваць, калі супрацоўнікі міліцыі не прадставіліся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international