Баранавічы: аб’яднанне баранавіцкіх украінцаў “Кабзар” судзіцца за магчымасць атрымаць памяшканне

2013 2013-09-20T09:50:48+0300 2013-09-20T09:50:48+0300 be http://spring96.org/files/images/sources/charnavus-mikalaj-baran.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Грамадскі актывіст Мікалай Чарнавус 19 верасня падаў ў суд Баранавіцкага раёна і г. Баранавічы скаргу на дзеянні начальніка ўпраўлення эканомікі гарвыканкама Раісы Уласовіч.

У скарзе Мікалай Чарнавус даводзіць, што неаднаразова звяртаўся ў Баранавіцкі гарвыканкам і Брэсцкі аблвыканкам, каб атрымаць памяшканне для грамадскага аб’яднання баранавіцкіх украінцаў “Кабзар”. Спачатку гарвыканкам выдзеліў памяшканне (вул. Савецкая, д.60), але потым хутка адмовіўся ад папярэдняга рашэння.

 – На афіцыйным сайце Баранавіцкага гарвыканкама размешчана інфармацыя, што ў горадзе шмат вольных памяшканняў. Але цяпер на ўсе мае просьбы аб выдзяленні памяшкання для ГА “Кабзар” з мэтаю атрымання юрыдычнага адрасу нам адказваюць, каб мы заплацілі 2 млн. рублёў і ўдзельнічалі ў аўкцыёне, – адзначыў Мікалай Чарнавус.

Грамадскі актывіст лічыць, што гэта вельмі вялікія грошы, напрыклад, на Украіне прадстаўнікі беларускіх грамадскіх арганізацый плацяць за арэнду проста сімвалічную суму: адну грыўну (усяго 1 тыс. бел. рублёў).

На чарговы зварот сп. Чарнавуса ў мясцовы гарвыканкам начальнік ўпраўлення эканомікі Раіса Уласовіч 7 жніўня 2013 года зноў адказала, каб ГА “Кабзар” удзельнічаў ў аукцыёне, нягледзячы на тое, што ў горадзе вельмі шмат вольных памяшканняў.

Мікалай Чарнавус просіць суд абавязаць Баранавіцкі гарвыканкам выдзяліць адно з вольных памяшканняў для ГА “Кабзар”.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international