Студэнтаў працягваюць адлічваць за ўдзел у акцыях пратэсту

Актывістку “Маладога фронту” Насту Шулейка адлічылі з Інстытута журналістыкі БДУ. Пра гэта дзяўчына даведалася якраз на Дзень святога Валянціна.

Наста неаднаразова затрымлівалася за ўдзел у акцыях пратэсту, што і паслужыла прычынаю адлічэньня. Так, пасьля першага затрыманьня за акцыю ў падтрымку праваабаронцы Алеся Бяляцкага 25 лістапада 2011 года, кіраўніцтва інстытута вынесла ёй вымову. Пад час акцыі 19 сьнежня, прысвечанай гадавіне трагічных падзеяў на Плошчы Незалежнасьці, Насту затрымалі ля Чырвонага касцёлу, а назаўтра пакаралі штрафам. Яе таксама  затрымлівалі і 31 сьнежня каля Цэнтра ізаляцыі правапарушальнікаў на Акрэсціна. Тады яе пакаралі штрафам у памеры 20 базавых велічынь (700 тысяч рублёў), а Новы Год яна сустрэла ў камеры.