Сябру Міжнароднай назіральнай місіі Беларусь забараніла ўезд

Памочніку прадстаўніка Міжнароднай назіральнай місіі Камітэта міжнароднага кантролю за сітуацыяй з правамі чалавека ў Беларусі, сябру «Фундацыі Рэгіянальных Ініцыятываў», грамадзяніну Украіны Максіму Кіцюку было адмоўлена ў перасячэньні беларускай мяжы.

Інцыдэнт адбыўся  9 сакавіка 2011 года ў 3:20, падчас перасячэння мяжы на цягніку “Кіеў – Менск”.
Як паведаміў калега Кіцюка Антон Галабародзька,  па словах супрацоўніка Гомельскага пагранічнага атрада, з якім звязаліся па тэлефоне, адмова быў аргументаваная тым, што Максіму забаронены ўезд у Рэспубліку Беларусь. Паводле інфармацыі з той жа крыніцы, у 9:10 цягніком “Санкт-Пецярбург – Кіеў” Максім Кіцюк быў адпраўлены назад у Украіну.
На дадзены момант удалося звязацца з самім Максімам, па яго словах з цягніка яго знялі Беларусі памежнікі: пры праверцы дакументаў высветлілася, што яго прозвішча лічыцца ў базе дадзеных Пагранічнай службы з пазнакай «Уезд забаронены». Пасля зняцця з цягніка памежнікі накіравалі запыт у Мінск, інфармацыя аб статусе "Уезд забаронены» пацвердзілася.
Ноч Максім правёў у камеры і раніцай на цягніку “Санкт-Пецярбург – Кіеў” быў адпраўлены ў Украіну, да станцыі Горностаеўка, са штампам “дэпартаваны” на білеце.
 
Міжнародная назіральная місія створана прадстаўнікамі няўрадавых арганізацый краін прасторы АБСЕ і міжнародных грамадзянскіх сетак і арганізацый. Дзейнічае па даручэнні Камітэта міжнароднага кантролю за сітуацыяй з правамі чалавека ў Беларусі, які аб'ядноўвае прадстаўнікоў праваабарончых арганізацый краін прасторы АБСЕ і міжнародных грамадзянскіх сетак і арганізацый. Ажыццяўляе маніторынг агульнай сітуацыі з захаваннем фундаментальных правоў чалавека ў Рэспубліцы Беларусь, а таксама пытанняў абароны праваабаронцаў і забеспячэння іх прафесійнай дзейнасці. Падкрэслівае, што правы чалавека з'яўляюцца прадметам прамой і законнай заклапочанасці міжнароднага грамадзянскай супольнасці і заклікае ўлады Беларусі следаваць узятым на сябе міжнародным абавязальніцтвам у сферы правоў чалавека, а дзяржавы-ўдзельніцы АБСЕ, прытрымліваючыся прынцыпаў АБСЕ, - кантраляваць выкананне гэтых абавязацельстваў.