Салігорская міліцыя вярбуе апазіцыянераў?

2010 2010-09-22T10:25:25+0300 1970-01-01T03:00:00+0300 be http://spring96.org/files/images/sources/supracounik_milicyji.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пачатак новай выбарчай кампаніі адзначыўся падвышэннем актыўнасці салігорскіх сілавых ведамстваў на палітычным полі. Міліцыя пачала шукаць кантактаў з мясцовымі апазіцыянерамі і нават спрабавала некаторых з іх завербаваць.

Так, на наступны дзень пасля абвяшчэння даты прэзідэнцкіх выбараў мясцоваму прадстаўніку штаба Алеся Міхалевіча Паўлу Батуеву патэлефанаваў супрацоўнік міліцыі Юры Калановіч і прапанаваў зладзіць сустрэчу і абмеркаваць "жыццёвыя пазіцыі" апазіцыйнага актывіста. Як вынікала з размовы, супрацоўніка міліцыі цікавіла ў прыватнасці дзейнасць незалежнага гарадскога інфармацыйнага інтэрнэт-рэсурса САЛІГОРСК.org, але ж абмяркоўваць па тэлефоне "жыццёвыя пазіцыі" Паўла Батуева міліцыянт адмовіўся. Афіцыйнай позвы ў міліцыю актывіст так і не атрымаў.

Аналагічны званок раздаўся ў кватэры Неанілы Паляковай, маці трагічна памерлай у 2009 годзе праваабаронцы Яны Паляковай. Міліцыянтаў цікавіла сувязь маці Яны з праваабаронцай Кацярынай Садоўскай, а таксама распаўсюд незалежных газет і дзейнасць незарэгістраванай партыі "Надзея".

Варта адзначыць, што за тыдзень да гэтага моладзевага актывіста Андрэя Тычыну выклікалі ў міліцыю, дзе спрабавалі завербаваць і нават прапаноўвалі хлопцу грашовую кампенсацыю за супрацоўніцтва. Супрацоўнік Салігорскага РАУС Аляхновіч шантажыраваў маладзёна складзеным на яго пратаколам за распаўсюд агітацыйнай прадукцыі грамадзкай кампаніі "Гавары праўду", паабяцаўшы ў выпадку адмовы ад супрацоўніцтва перадаць пратакол у суд. Ад "прапановы" Андрэй Тычына адмовіўся і ў выніку 14 верасня Салігорскі суд пад старшынствам суддзі Ягора Барысенкі вынес пастанову пра спагнанне з валанцёра штрафу ў памеры 1 мільён 125 тысяч беларускіх рублёў.

Усе вышэйадзначаныя прадстаўнікі дэмакратычнага руху звязваюць падвышаную цікавасць супрацоўнікаў міліцыі да іх персонаў з пачаткам перадвыбарчай кампаніі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international