Праваабарончы цэнтр «ВЯСНА»

Навіны за 7 лістапада 2012

07.11.2012 Брэсцкія ўлады ігнаруюць просьбы пра паляпшэнне транспартнага абслугоўвання

Жыхары абласнога цэнтру ніяк не могуць дамагчыся, каб аўтобусны парк №1 г.Брэста скарэктаваў рух грамадскага транспарту, які тычыцца мікрараёнаў Граеўка і Бярозаўка.

07.11.2012 Хочаш судовае справаводства па-беларуску – плаці за перакладчыка

Баранавіцкі праваабаронца Сяргей Гоўша накіроўваў скаргу ў Галоўнае ўпраўленне юстыцыі Брэсцкага аблвыканкама, дзе прасіў абавязаць суд Баранавіцкага раёна і г.Баранавічы і Брэсцкі аблсуд выслаць усе судовыя дакументы па яго адміністратыўнай справе ў перакладзе на беларускую мову.

07.11.2012 Парычы: вярнуць дзяцей у сям'ю

600 подпісаў у падтрымку шматдзетнай маці, у якой адабралі 5 прыёмных дзяцей, сабрала міжнароднае грамадскае аб’яднанне “Добрая воля”.

07.11.2012 Нацысцкія графіці на вуліцы Магілёва

Хто і калі іх нарабіў, невядома.

07.11.2012 Зміцер Дашкевіч будзе сядзець у Гродзенскай турме

Лідар міжнароднай арганізацыі «Малады фронт» (Чэхія) Зміцер Дашкевіч будзе дастаўлены ў Гродзенскую турму № 1, паведаміла намеснік старшыні арганізацыі, нявеста Дашкевіча Наста Палажанка.

07.11.2012 На ўскладанне кветак Леніну сагналі школьнікаў і студэнтаў

Яны падыходзілі арганізаванымі групамі на чале з куратарамі.

07.11.2012 Жонак Бяляцкага і Статкевіча сёння прымаюць у Брусэлі на вышэйшым узроўні

З Наталляй Пінчук і Марынай Адамовіч сустрэнуцца Шульц і Фюле.

07.11.2012 Шведская Östgruppen рыхтуе новы «плюшавы дэсант»

У суботу, 10 лістапада, шведская праваабарончая арганізацыя Östgruppen правядзе акцыю «Плюшавы дэсант-2». Мішкі з патрабаваннямі выканання правоў чалавека адправяцца ў Беларусь. Гэтыя мішкі «ўляцяць» у Беларусь цалкам легальна - у бандэролях. Адрасатамі-атрымальнікамі з'яўляюцца беларускія дзяржчыноўнікі і палітыкі з «чорнага спісу» ЕС.

07.11.2012 Сайт Слонімскага райвыканкама ігнаруе новага дэпутата?

Ужо даўно прайшлі выбары дэпутатаў у Палату прадстаўнікоў Нацыянальнага сходу Рэспублікі Беларусь, а на сайце Слонімскага райвыканкама застаецца інфармацыя пра ранейшага дэпутата Мечыслава Касцюка – былога намесніка старшыні Пастаяннай камісіі па бюджэце, фінансах і падатковай палітыцы.

07.11.2012 Гомельскі актывіст БХД ізноў пазбаўлены працы

Андрэй Папоў распавёў журналістам пра затрыманне заробку рабочым без тлумачэння прычынаў з боку адміністрацыі РУП СКТБ «Металапалімер», куды ён уладкаваўся слесарам. Інфармацыя з'явілася ў інтэрнэце - з ім не пагадзіліся працягваць працоўныя стасункі.

07.11.2012 Скарга брэсцкіх мытнікаў зарэгістравана ў Камітэце ААН па правах чалавека

22 былыя інспектары брэсцкай мытні “Заходні Буг” і 7 былых механікаў тэрмінала прадпрыемства “Вестаўта” накіравалі індывідуальныя звароты ў гэтую міжнародную структуру яшчэ ў сакавіку мінулага году. Яны звярталі ўвагу на парушэнне прынцыпаў справядлівага судовага разбіральніцтва.