Праваабарончы цэнтр «ВЯСНА»

Навіны за 12 лістапада 2012

12.11.2012 Ірына Халіп уганараваная прэміяй нямецкага ПЭН-цэнтру

Нямецкі ПЭН-цэнтр уганараваў Ірыну Халіп прэміяй Германа Кестэна «за яе барацьбу за прасоўванне дэмакратыі і свабоды слова».

12.11.2012 Дэкаратыўнымі зменамі ў Выбарчым кодэксе ўлада толькі ўмацуе свае пазіцыі

Кіраўнік ЦВК Лідзія Ярмошына 6 лістапада паведаміла, што законапраект аб унясенні змяненняў і дапаўненняў у Выбарчы кодэкс ужо рыхтуецца юрыстамі Цэнтрвыбаркама. Калі разабрацца, то прапановы ЦВК кажуць хутчэй пра тое, што рыхтуецца імітацыі рэформаў, чым пра рэальную мадэрнізацыю.

12.11.2012 У Бабруйску офіс дэпутата “Грамадзянскай дамовы” будзе дзейнічаць у прыватнай кватэры

Як адзначае бабруйскі каардынатар кампаніі “Гавары праўду” Алена Мядзведзева, офіс у прыватнай кватэры – вымушаны крок. Яна кажа, што зняць нейкае памшяканне ў горадзе пад грамадскую прыёмную “ад апазіцыянераў” даўно ўжо нерэальна.

12.11.2012 Міколу Статкевіча наведалі святар і адвакат

Кандыдата ў прэзідэнты на мінулых выбарах, палітвязня Міколу Статкевіча наведаў адвакат. Як распавяла жонка палітыка, Марына Адамовіч, яго перавялі ў іншую камеру, з лепшымі ўмовамі, а раней яго наведаў праваслаўны святар.

12.11.2012 Зміцер Дашкевіч сустрэўся з адвакатам

Палітвязень, старшыня "Маладога Фронту" Зміцер Дашкевіч сустрэўся са сваім адвакатам ў Гродзенскай турме № 1. У гэтай установе ён знаходзіцца з 7-га лістапада. Як паведаміла намесніца старшыні «Маладога Фронту» і нявеста Дашкевіча Наста Палажанка, Зміцер распавёў падрабязнасці свайго этапавання з Мазыра ў Гродна.

12.11.2012 Жодзіна: зроблены першы крок да стварэння грамадскага савета

У Жодзіне 10 лістапада прайшоў семінар па пытаннях мясцовага самакіравання, на які атрымалася сабраць прадстаўнікоў розных палітычных партый, некаторых грамадскіх аб'яднанняў і нават дэпутата мясцовага савета дэпутатаў. Для горада гэта выпадак унікальны.

12.11.2012 Раман Кісляк падаў скаргу на незаконнае ўключэнне яго ў базу дадзеных правапарушальнікаў

Менавіта гэтае ўключэнне сталася падставай для затрымання брэсцкага праваабаронцы 8 лістапада, пасля чаго ён быў дастаўлены ў Ленінскі РАУС абласнога цэнтру, дзе яго прымусілі прайсці дактыласкапію.

12.11.2012 Фільм пра магчымасць судовай памылкі і існаванне катаў

Паліна Сцепаненка, сцэнарыст цыклу тэлевізійных рэпартажаў і двух дакументальных фільмаў - “Прычына смерці - прочырк” і “Убыл по приговору”, прысвечаных праблеме смяротнага пакарання ў Беларусі, распавядае пра тое, што падштурхнула яе да распрацоўкі гэтай праблемы ў дакументалістыцы, а таксама пра рэакцыі глядацкай аўдыторыі на з’яўленне такога кіно.

12.11.2012 Валянціна Аліневіч з'ездзіла на спатканне з сынам

Адміністрацыя Наваполацкай калоніі дазволіла маці "доўгатэрміновае спаткане" – цягам адных сутак. Прадукты перадаць не дазволілі. У тым ліку і два мяхі яблыкаў, якія спадарыня Валянціна хацела ахвяраваць у атрад, дзе знаходзіцца Ігар Аліневіч.

12.11.2012 На Віцебшчыне прапануюць увесці "абмежаванне ў перамяшчэнні"

"Абмежаваць у перамяшчэнні" збіраюцца абавязаных бацькоў – тых, з каго спаганяюць сродкі на ўтрыманне іхных дзяцей у сацыяльных установах. Але ў беларускім заканадаўстве няма такога панятку - "абмежаванне ў перамяшчэнні". Таму, якім бы ні было стаўленне да тых, хто ўхіляецца ад выхавання і ўтрымання сваіх нашчадкаў, забарона на перамяшчэнне з’яўляецца парушэннем правоў асобы.

12.11.2012 Трое затрыманых у сувязі з выбухам ля Віцебскага КДБ

А праваабаронцу Паўлу Левінаву, які аператыўна прыехаў да будынка КДБ, каб высветліць сітуацыю, затрымаў супрацоўнік ДАІ за тое, што ён пераходзіў дарогу ў недазволеным месцы. У выніку яму выпісалі штраф. Са словаў Левінава, гэта быў загад начальніка інспектара Халаднова заняцца менавіта ім, каб адцягнуць увагу ад будынка КДБ.

12.11.2012 Другі “плюшавы дэсант” выпраўляецца з Швецыі ў Беларусь (фота)

11 лістапада ў цэнтры Стакгольму актывісты праваабарончай арганізацыі Östgruppen зладзілі акцыю «Плюшавы дэсант-2», каб звярнуць увагу на сітуацыю з правамі чалавека ў Беларусі.