Праваабарончы цэнтр «ВЯСНА»

Навіны за 20 сьнежня 2010

20.12.2010 Старшыня Еўрапарламента выступіў з заявай адносна падзеяў у Менску

Па атрыманні звестак аб тым, што кандыдат ад апазіцыі на пост прэзідэнта Беларусі Уладзімір Някляеў быў збіты на шляху да ўдзелу ў акцыі пратэсту ў Менску, старшыня Еўрапейскага парламента Ежы Бузек выступіў з заявай.

20.12.2010 ЗАЯВА ГА «Беларуская асацыяцыя журналістаў»

Грамадскае аб’яднанне “Беларуская асацыяцыя журналістаў” выказвае рашучы пратэст супраць шакуючага факту прымянення сілы супрацоўнікамі міліцыі ў дачыненні да журналістаў і грамадскіх актывістаў увечары 19 снежня.

20.12.2010 Скаргі праваабаронцы былі разгледжаны пасля выбараў

Раніцай 19 снежня доўгатэрміновым назіральнікам Леанідам Мархоткам былі пададзены тры скаргі аб грубых парушэннях выбарчага працэсу ў Салігорскую камісію па выбарах. Разгледжаны яны былі толькі ў 22:30 - праз дзве с паловай гадзіны пасля заканчэння галасавання, што з'яўляецца грубейшым парушэннем выбарчага працэсу.

20.12.2010 ПАПЯРЭДНЯЯ СПРАВАЗДАЧА ПА ВЫНІКАХ НЕЗАЛЕЖНАГА НАЗІРАННЯ

Мірнае правядзенне выбараў было сапсавана ўвечары дня галасавання, 19 студзеня, калі АМАП гвалтоўна разагнаў натоўп, выступаючы супраць несправядлівага правядзення выбараў.

<strong>Папярэдняя справаздача па выніках назірання за датэрміновым галасаваннем (14–18 снежня) </strong>

20.12.2010 Папярэдняя справаздача па выніках назірання за датэрміновым галасаваннем (14–18 снежня)

Этап папярэдняга галасавання характарызаваўся ўсімі тымі хібамі, якія былі характэрныя для прэзідэнцкіх выбараў 2006 года. Назіральнікамі кампаніі былі адзначаныя шматлікія факты парушэнняў выбарчага заканадаўства. На гэтыя і іншыя парушэнні толькі назіральнікамі кампаніі былі пададзеныя 125 скаргаў і заяваў у ТВК і пракуратуру.

20.12.2010 Па факце «масавых беспарадкаў» у Мінску распачата крымінальная справа

Арганізатары акцыі пратэсту апазіцыі, якая прайшла ў Менску вечарам 19 снежня будуць прыцягнуты да крымінальнай адказнасці.

20.12.2010 Была другая спроба захопу офісу "Вясны"

Каля 7 раніцы пяцёра невядомых у цывільным спрабавалі ў другі раз за ноч патрапіць у кватэру, дзе знаходзіцца Праваабарончы цэнтр "Вясна"

<strong>УВАГА! ПРЭС-КАНФЕРЭНЦЫЯ НЕ АДМЯНЯЕЦЦА</strong>

20.12.2010 УВАГА! ПРЭС-КАНФЕРЭНЦЫЯ НЕ АДМЯНЯЕЦЦА

“Праваабаронцы за свабодныя выбары” запрашаюць на прэс-канферэнцыю 20 снежня ў 12 гадзін. Прэс-канферэнцыі адбудуцца па адрасе: Мінск, пр-т Незалежнасці, 78А – 48 (офіс Праваабарончага цэнтра "Вясна").

20.12.2010 ЗША абураныя гвалтам у Менску

Злучаныя Штаты рашуча асуджаюць гвалт, які меў месца ў Беларусі ў дзень выбараў.

20.12.2010 Напад на офіс сайта charter97.org

У 4.40 дзверы офіса сайта charter97.org узламалі спецназаўцы. Журналісты паспелі паведаміць аб нападзе, пасля чаго сувязь была перапыненая. У памяшканні працавалі рэдактар сайта Наталля Радзіна і валанцёры. Далейшы лёс рэдакцыі невядомы.

20.12.2010 Затрыманы кандыдаты ў прэзідэнты Алесь Міхалевіч і Дзмітрый Ус

Супрацоўнікі сілавых органаў, імаверна, Камітэта дзяржаўнай бяспекі, уварваліся ў кватэру Алеся Міхалевіча на вуліцы Кісялёва. Для гэтага яны выбілі дзверы памяшкання. Таксама стала вядома, што супрацоўнікі КДБ Беларусі затрымалі кандыдата ў прэзідэнты Дзмітрыя Уса.

20.12.2010 Праваабаронцаў "Вясны" пакінулі без кампутарнай тэхнікі

5-10 Супрацоўнікі праваахоўных органаў у цывільным забралі з офісу ПЦ "Вясна" усе кампутары (нібыта на праверку). Каля 6 раніцы ўсіх 10 затрыманых адпусьцілі з Першамайскага РУУС пасля дачы тлумачэнняў без складання пратаколаў. Дапамогу ў гэтым аказалі прадстаўнікі АБСЕ.

20.12.2010 Кватэру Анатоля Лябедзькі ўзялі штурмам

Каля 10 супрацоўнікаў сілавых структураў на працягу амаль гадзіну ламіліся ў кватэру да лідэра АГП Анатоля Лябедзькі. Выламаўшы дзверы яны скруцілі палітыка, вывалаклі яго з дому і звезлі на мікрааўтобусе з нумарам АБ 102825

20.12.2010 Затрыманы каля 400 чалавек

Па некаторай інфармацыі ад супрацоўнікаў міліцыі, лічба затрыманых - каля 400 чалавек. Частку дастаўленых на Акрэсціна зноў загрузілі ў аўтазакі і некуды павезлі.