Праваабарончы цэнтр «ВЯСНА»

Навіны за 17 сьнежня 2010

17.12.2010 Жодзіна: Назіральнікаў размясцілі ў калідоры (фота)

На выбарчым участку №12 (знаходзіцца ў СШ №8) камісія размясціла назіральнікаў у калідоры, адкуль проста немагчыма было бачыць, як адбываецца працэс галасавання. Так працягвалася два першыя дні датэрміновага галасавання, і толькі на трэці сітуацыя змянілася пасля чарговай скаргі і тэлефанавання ў гарадскую камісію.

17.12.2010 Жодзіна: На назіральнікаў аказваецца ціск па месцах працы

Дырэктар жодзінскага хлебазаводу Алег Забароўкі выклікаў да сябе супрацоўніка гэтага прадпрыемства Іллю Хоміча, які зарэгістраваны назіральнікам на ўчастку для галасавання №10. Размова была звязаная з магчымымі праблемамі падаўжэння і змены ўмоваў працоўнага кантракту.

17.12.2010 Студэнты БДУІР і БДПУ сведчаць пра прымус (аўдыёзапісы)

Студэнты БДУІР і БДПУ імя Максіма Танка даслалі “Праваабаронцам за свабодныя выбары” аўдыёфайлы, якія сведчаць пра факты прымусу да датэрміновага галасавання.

17.12.2010 Бабруйск: “Хімікі” і хакеісты ўжо прагаласавалі

Таксама не дачакаліся дня выбараў хакеісты і трэнерскі корпус зборнай Беларусі, якія прагаласавалі на адным з бабруйскіх выбарчых участкаў (у горадзе зараз праходзіць моладзевы чэмпіянат). Якім чынам людзі, якія не маюць бабруйскай прапіскі, прагаласавалі ў Бабруйску – застаецца ў сакрэце.

17.12.2010 Барысаў. ТВК шэсць разоў засядала таемна

На працягу перадвыбарчай кампаніі Барысаўская тэрытарыяльная выбарчая камісія толькі адзін раз запрасіла на сваё паседжанне незалежных назіральнікаў. Яшчэ пра шэсць паседжанняў назіральнікаў у вядомасць не ставілі.

17.12.2010 Незаконная агітацыя за Лукашэнку - у навучальнай установе ФПБ (фота)

“Праваабаронцы за свабодныя выбары” атрымалі фотаздымак з адукацыйнай установы Федэрацыі прафсаюзаў Беларусі - Міжнароднага інстытута працоўных і сацыяльных адносін, які сведчыць пра агітацыю за дзеючага прэзідэнта з парушэннем нормаў выбарчага заканадаўства.

17.12.2010 Бабруйск: Апошні перадвыбарны пасквіль “Бабруйскага жыцця”

Газета гарвыканкама ў № 101 ад 17 снежня ў чарговы раз тлумачыць сваім чытачам, хто ёсць хто на палітычнай сцэне Беларусі. Аляксандр Паліндром, які запомніўся бабруйскім дэмакратам злобнымі пасквілямі на іх, “прайшоўся” ў артыкуле “До звезд далеко, или Per aspera ad astra” ужо па апазіцыйных кандыдатах.

17.12.2010 ГАЛАСЫ ВЫБАРШЧЫКАЎ: факты прымусу да галасавання (дапаўняецца)

"У 7-ай гарадской дзіцячай паліклініцы (вул.Пляханава, 127) намеснік галоўнага ўрача паліклінікі па медыцынскай частцы абавязаў усіх загадчыкаў аддзяленнямі забяспечыць 100% яўку ўсіх супрацоўнікаў аддзяленняў на выбарчыя ўчасткі ДАТЭРМІНОВА да19 снежня 2010 года. Таксама начмед абавязала ўсіх загадчыкаў аддзяленнямі падаваць справаздачы аб датэрміновым галасаванні па аддзяленнях ёй асабіста ШТОДНЯ".

17.12.2010 На віцебскага прыхільніка Някляева складзены адміністрацыйны пратакол

На Пятра Іванова склалі адміністрацыйны пратакол за агітацыю ў неналежным месцы. Падставай для складання пратаколу стал правядзенне агітацыйнага пікета на праспекце Фрунзе ў Віцебску. Супрацоўнікі міліцыі заявілі, што ён будзе аштрафаваны.

17.12.2010 Пінск: Сябру камісіі ад Партыі БНФ уратавалі назіральнікі АБСЕ

Прадстаўнік Партыі БНФ Аляксандр Рамановіч, сябра ўчастковай камісіі №26 адзначыў непрыязнае стаўленне да яго намесніка старшыні камісіі Засіма Алега Анатольевіча і сябра камісіі Маркавай Аллы Сяргееўны. Па словах спадара Рамановіча, гэтыя людзі адразу паказалі сваё стаўленне да “чужога камісара”.

17.12.2010 Орша: Сябра ўчастковай камісіі прагаласаваў супраць выканання выбарчага закона

Кур'ёзны выпадак адбыўся на ўчастку для галасавання № 58 па г. Орша. Сябра камісіі Уладзімір Палівода, вылучаны ад партыі «Справядлівы свет» прапанаваў падлік галасоў выбаршчыкаў у строгай адпаведнасці з палажэннямі Выбарчага кодэкса. І запатрабаваў паставіць гэтае пытанне на галасаванне.

17.12.2010 Барысаў. На прапанову назіральнікаў - матам

Нечаканую рэакцыю выклікала ў намесніка старшыні камісіі № 65 горада Барысава Васіля Зайцава падача назіральнікамі прапановы па ўдасканаленні працэдуры падліку галасоў. У прысутнасці сябраў камісіі і выбаршчыкаў ён заявіў: «Што вы х ... ёй займаецеся! Сядзіце тут і сядзіце! ».

17.12.2010 Віцебск: Намеснік старшыні камісіі паводзіць сябе па-хуліганску

Як распавёў Аляксей Кірылаў, 16 снежня ім было зафіксавана парушэнне: камісія пачала выдаваць выбаршчыкам бюлетэні ў абедзенны перапынак – да афіцыйнага адкрыцця выбарчага ўчастка.

17.12.2010 Барысаў. Насуперак здароваму сэнсу ...

Замест таго, каб перадаць пісьмовы адказ на заяву назіральніка яму ў рукі, сябры выбарчай камісіі № 12 горада Барысава вырашылі скарыстацца паслугамі пошты – у прысутнасці назіральніка сябра камісіі запячатаў паштовы канверт з адмовай і адправіўся на пошту, каб адправіць яго яму ж на хатні адрас.

17.12.2010 У 100 гарадах свету прайшла акцыя “За свабоду Беларусі”

Вечарам 16 снежня у больш чым 100 гарадах Еўразіі і Амерыкі прайшла акцыя “За свабоду Беларусі”. Удзельнікі акцыі на плошчах завязвалі ірты помнікам, каб нагадаць, што ў Беларусі людзі не могуць свабодна выказвацца і выбіраць уладу.