Праваабарончы цэнтр «ВЯСНА»

Навіны за 19 сьнежня 2010

19.12.2010 Скандал на выбарчым участку: У скрыні не аказалася 480 бюллетэняў

Было абвешчана, што згодна са спіcамі выбаршчыкаў, у дзень выбараў было выдадзена 1719 бюлетэняў, аднак калі была адчынена скрыня для галасавння, там аказалася толькі 1239 бюлетэняў – гэта значыць, што 480 бюлетэняў проста зніклі. Назіральнікі лічаць, што гэтыя бюлетэні проста не паспелі ўкінуць у скрыню для галасавання, аднак у спісах ужо праставілі подпісы за выбаршчыкаў.

19.12.2010 У бальніцы хуткай дапамогі - вялікая колькасць пацярпелых

Па інфармацыі ПЦ "Вясна", у бальніцу хуткай дапамогі паступіла вялікая колькасць пацярпелых з рознага роду траўмамі, атрыманымі пры разгоне дэмантрацыі. Уладзімір Някляеў знаходзіцца ў нейра-хірургічнай рэанімацыі з чэрапна-мазгавой траўмай.

19.12.2010 ПЛОШЧА-2010 - брутальная зачыстка (аднаўляецца)

Агульная колькасць затрыманых падчас разгону мірнай акцыі пратэсту невядомая. Вельмі многа ўдзельнікаў моцна збітыя і дастаўленыя ў шпіталі. Паведамляюць, што ў бальніцы хуткай дамапогі не хапае персаналу і медыцынскіх сродках. Таксама збітых дастаўлялі ў шпіталь МУС. У цяжкім стане там знаходзіцца Язэп Палубятка.

19.12.2010 Магілёў. Выніковыя пратаколы з участкаў №51 і №52 ўзгадняюць у аблвыканкаме

Выніковыя пратаколы з выбарчых участкаў №51 і 52, што размешчаны ў Магілёўскай школе №33 не вывешаны да таго часу, пакуль не будуць узгоднены ў аблвыканкаме. Такі адказ атрымаў назіральнік Сяргей Нягацін, на пытанне чаму не вывешаны выніковыя пратаколы з вынікамі галасавання на ўчастках.

19.12.2010 Мінск: Лукашэнка на многіх участках не набірае 50% (дадаецца)

Пачынаючь паступаць звесткі з выбарчых участкаў сталіцы. На многіх з іх Лукашэнка АФІЦЫЙНА, гэта значыць, згодна з выніковымі пратаколамі, не набірае 50% падтрымкі. Так, у Партызанскім раёне на ўчастку для галасавання №6 падтрымка Лукашэнкі складае 43%, а на ўчастку для галасавання №8 падтрымалі Лукашэнку 41% выбаршчыкаў.

19.12.2010 Магілёў. Участак №122 - лоўкасць рук і ніякага фокусу

Назіральнікі на выбарчым участку №122 у Магілёве сталі сведкамі, калі пасля падліку галасоў стос бюлетэняў за кандыдата ў Прэзідэнты Рэспублікі Беларусь Аляксандра Лукашэнкі немаверна павялічыўся ў некалькі разоў.

19.12.2010 Напад на калону Някляева (відэа)

Каля Нямігі, 42, дзе збіралася калона прыхільнікаў Някляева, людзі ў масках, што пад’ехалі на аўтоусах - імгненна і жорстка паклала ў сьнег каля сотні чалавек, там жа быў моцна зьбіты сам Някляеў. Разбітая ўся гукаўзмацняльная апаратура, камеры у журналістаў. Людзей закідвалі шумавымі і светлавымі гранатамі. Сілавікі зьніклі на аўтобусах

19.12.2010 Бабруйск: Стос бюлетэняў за Кастусёва “рассасаўся”

назіральнік: "Я ўбачыў, што адна з сябраў камісіі перадае другой вялікі стос бюлютэняў, недзе штук 100, і шэпча са здзіўленнем “Кастусёў!” У гэты час і назіральніца кажа мне “вось бачыце, колькі за Кастусёва…” Але якім жа было маё здзіўленне, калі ў выніковым пратаколе насупраць прозвішча Кастусёва паставілі лічбу ў тры галасы!"

19.12.2010 Магілёў. Назіральнікі ад улады выканалі сваю функцыю

Праваабаронца Барыс Бухель: “Як і прадказвалася – назіральнікаў трымалі здалёк і да сталоў з бюлетэнямі не падпускалі. Інфармацыі не выдавалі. Як толькі я пачаў казаць, што мне не відаць працэдуры падліку галасоў, праўладныя назіральнікі пачалі крычэць, што ім ўсё бачна”.

19.12.2010 Міліцыянты ўварваліся ў кватэру да моладзевых актывістаў

У Менску ў кватэру на вуліцы Пушкіна (5-238), дзе знаходзіліся пяцёра моладзевых актывістаў - Стасюк Ян, Аляксандра Літвінчук, Маціюк Аксана, Чарвінская Марыя і Яўген Іванюк, уварваліся супрацоўнікі міліцыі. Сувязі з імі зараз няма.

“Правабаронцы за свабодныя выбары”: Выклікае занепакоенасць непрапісанасць працэдуры захоўвання бюлетэняў падчас датэрміновага галасавання

19.12.2010 “Правабаронцы за свабодныя выбары”: Выклікае занепакоенасць непрапісанасць працэдуры захоўвання бюлетэняў падчас датэрміновага галасавання

Датэрміновае галасаванне і праблемы на выбарчых участках сталі тэмай праведзенай 19 снежня прэс-канферэнцыі кампаніі “Правабаронцы за свабодныя выбары”.

19.12.2010 Мінск: Камісія пачала падлік галосоў толькі ў 21.20

На выбарчым участку №104 Маскоўскага раёну сталіцы камісія не пачынала падліку галасоў да 21.20, паколькі яе не задавальняла тое, што назіральнікі і давераныя асобы кандыдатаў занадта блізка падышлі да стала, дзе павінен ажыццяўляцца падлік бюлетэняў.

19.12.2010 Салігорск: Назіральнікаў не падпускаюць да падліку бюлетэняў

Як паведамляюць назіральнікі з салігорскіх выбарчых участкаў, яны не маюць магчымасці назіраць за падлікам галасоў. Амаль на ўсіх участках адведзеная адлегласць ад сталоў, дзе вядзецца падлік, да месцазнаходжання назіральнкіаў складае каля 8-10 метраў.

19.12.2010 Наваполацк: Назіральнікі выдалены ў мэтах… пажарнай бяспекі

Назіральнік і давераная асоба Раманчука былі выдалены з участка № 25 у Наваполацку, бо памяшканне, дзе праходзіць падлік бюлютэняў, “па правілах пажарнай бяспекі” не можа ўмясціць болей за пяць назіральнікаў. Тлумачэнняў, чаму выдаляюцца менавіта гэтыя назіральнікі, старшыня камісіі не даў.

19.12.2010 Валожын: Камісія прагаласавала за выбаршчыка проста на пахаванні

У вёсцы Рум Валожынскага раёна прадстаўнікі ўчастковай камісіі са скрыняй для галасавання прыехалі ў дом, дзе праходзіла пахаванне. Убачыўшы, што гаспадыня дома не ў стане прагаласаваць, яны паставілі скрыню на зямлю перад домам, паклалі на яе бюлетэнь і накрэслілі ў ім “птушку” насупраць прозвішча “Лукашэнка”.