Па факце «масавых беспарадкаў» у Мінску распачата крымінальная справа

Арганізатары акцыі пратэсту апазіцыі, якая прайшла ў Менску вечарам 19 снежня будуць прыцягнуты да крымінальнай адказнасці, паведамляе Наша Ніва са спасылкай на БелаПАН.

Пра гэта ў эфіры Першага нацыянальнага канала заявіў міністр унутраных спраў Анатоль Куляшоў. Крымінальная справа ўзбуджана па артыкуле 293 КК (масавыя беспарадкі). Яе максімальная санкцыя — 15 гадоў пазбаўлення волі.

Міністр заявіў, што затрыманыя «дастатковую"колькасць удзельнікаў несанкцыянаванай акцыі. У ёй пацярпела больш за 30 супрацоўнікаў праваахоўных органаў, якія шпіталізаваны з рознымі траўмамі. У іх пераломы рук, ног, насоў, збітыя іншыя часткі цела.

Разбіта чатыры відэакамеры МУС, адна выкрадзена.