Праваабарончы цэнтр «ВЯСНА»

Навіны за 2 лістапада 2010

02.11.2010 Слонім: Кіруючая справамі райвыканкама нічога не ведае пра ўчастковыя камісіі

Некалькі разоў на дзень доўгатэрміновы назіральнік па Слоніму Іван Шэга наведвае асабіста і тэлефануе кіраўніку справамі Слонімскага раённага выканаўчага камітэта Алене Мачалінай, каб атрымаць інфармацыю наконт паседжання райвыканкама па фармаванні ўчастковых камісій.

02.11.2010 Маніторынг БАЖ: Дзяржаўныя СМІ асвятляюць выбары аднапалярна

ГА “Беларуская асацыяцыя журналістаў” падсумавала вынікі маніторынгу “Асвятленне прэзідэнцкіх выбараў 2010 г. у беларускіх СМІ”. У трохтыднёвым маніторынгу падаецца інфармацыя пра тое, як беларускія электронныя і друкаваныя СМІ асвятлілі на працягу гэтага часу прэзідэнцкія выбары 2010 г. у Беларусі.

02.11.2010 Магілёўшчына: Дэмакраты вылучылі 121 прадстаўніка ў склад участковых камісій

"Гэта выключна асобы, якія вылучаны, скажам так, па партыйнай лініі ад ГА “Грамадзянскі Форум”, ГА БНФ “Адраджэньне”, Аб’яднанай Грамадзянскай партыі і Беларускай партыі левых “Справядлівы Свет”. Колькасць вылучыных актывістаў ад іншых дэмакратычных арганізацый і шляхам збору подпісаў на дадзены момант удакладняецца”, - паведамляе намеснік кіраўніка аргкамітэта Партыі Свабоды і Прагрэса Алесь Сілкоў.

02.11.2010 Мазыр: Распараджэнне аб забеспячэнні “культурнай праграмай” міжнародных назіральнікаў - знікла

Пасля публікацыі, у якой распавядалася аб планах па прыёму ў Мазырскім раёне міжнародных назіральнікаў, распараджэнне выканкаму з сайта бясследна знікла. На запыт па спасылцы, дзе яно было размешчана, з’яўляецца надпіс: “Извините, запрашиваемая страница не найдена на сервере”.

02.11.2010 Орша: Нялёгкая праца сябра камісіі

Не ўсе сябры тэрытарыяльных камісій здольныя справіцца з нялёгкай грамадскай працай. Прычына празаічна простая. Сябру камісіі Аляксею Ламыгу пайшоў ужо 79-ы год.

02.11.2010 Бяроза, Жодзіна: Участковыя камісіі фармуюцца ў рэжыме сакрэтнасці

Бярозаўскім райвыканкамам праігнаравана накіраванне Брэсцкай абласной радай Партыі БНФ трох прадстаўнікоў на паседжанне Бярозаўскага раённага выканаўчага камітэта па фармаванні ўчастковых выбарчых камісій.

02.11.2010 На беларуска-украінскай мяжы мытнікі шукаюць апазіцыйную літаратуру

Напрыклад, нядаўна, мікрааўтобус, які вяртаўся з ровенскага кірмашу, літаральна “распранулі”. Падчас дагляду супрацоўнікі мытні казалі, што шукаюць газеты і ўлёткі, якія апазіцыя можа скарыстаць на выбарах.

02.11.2010 Магілёў: Подпісы падлічылі без праваабаронцаў

Магілёўскія праваабаронцы Барыс Бухель і Аляксей Колчын не патрапілі на паседжанні раённых выбарчых камісій, дзе адбываўся падлік колькасці здадзеных подпісаў за прэтэндэнтаў на пасаду прэзідэнта.

02.11.2010 Баранавічы: Назіральнік не дапушчаны да праверкі падпісных лістоў

Сяргей Гоўша лічыць, што пасяджэння выбарчай камісіі па размеркаванні па праверцы падпісных лістоў увогуле не было, а іх размеркавала кіраўніцтва ТВК па сваім жаданні. Ці адбіраліся 20% згодна закону, ці праверцы будуць падвергнуты ўсе подпісы за апазіцыйных кандыдатаў – застаецца невядомым.

02.11.2010 Маладэчна: Для назіральнікаў – паказальныя паседжанні

Маладэчанская раённая выбарчая камісія афіцыйна запрашае назіральнікаў на паседжанні. Калі ж тыя прыходзяць у незапланаваны час – сябры камісіі ў разгубленасці і іх не пускаюць у памяшканне.

02.11.2010 Па Светлагорску працягваюць хадзіць «прадстаўнікі» неіснуючых камісій

Выпадак з «прадстаўніком» участковай выбарчай камісіі, пра які паведамлялася, стаў не адзінкавым у Светлагорску (Гомельская вобласць). Жанчыны, якія ходзяць па дамах і ўдакладняць спісы выбаршчыкаў, сцвярджаюць, што яны з ўчастковых выбарчых камісій. Між тым, гэтыя камісіі яшчэ не ўтвораны.

02.11.2010 Тэрмін утрыманьня пад вартай Мікалая Дзядка падоўжаны да 24 сьнежня

Тэрмін утрыманьня пад вартай для падазраванага па справе арганізацыі акцыі каля будынку генштаба Міністэрства абароны ў верасьні мінулага года Мікалая Дзядка падоўжаны да 24 сьнежня. Агулам, зараз ён будзе складаць тры месяцы. Пры гэтым Мікалаю Дзядку адмаўляюць у спатканьні нават з бацькамі.