Слонім: Кіруючая справамі райвыканкама нічога не ведае пра ўчастковыя камісіі

Некалькі разоў на дзень доўгатэрміновы назіральнік па Слоніму Іван Шэга наведвае асабіста і тэлефануе кіраўніку справамі Слонімскага раённага выканаўчага камітэта Алене Мачалінай, каб атрымаць інфармацыю наконт паседжання райвыканкама па фармаванні ўчастковых камісій. Спадарыня Мачаліна пастаянна адказвае адно і тое ж: “Я пакуль сама не ведаю”.

Такія адказы ад яе гучалі і на ўсіх мінулых выбарах. Гэтым самым кіруючая справамі райвыканкама толькі падкрэслівае непажаданасць прысутнасці на паседжанні па фармаванні ўчастковых камісіяў назіральніка Іван Шэга ці некага з сябраў дэмакратычных партый.

“Праваабаронцы за свабодныя выбары”