Зміцера Бандарэнка будуць судзіць 26 красавіка

Судовая расправа па палітычных матывах над каардынатарам "Еўрапейскай Беларусі " адбудзецца ў судзе Першамайскага раёна Менска.
Пра гэта charter97.org паведаміла жонка палітвязня Вольга Бандарэнка.
Улады абвінавачваюць Дзмітрыя ў "арганізацыі і падрыхтоўцы дзеянняў, якія груба парушаюць грамадзкі парадак, альбо актыўны ўдзел у іх" (арт. 342, ч.1).
Нагадаем, палітык, які з'яўляецца даверанай асобай кандыдата ў прэзідэнты Андрэя Саньнікава, быў арыштаваны ў ноч з 19 на 20 снежня 2010 года пасля правядзення шматтысячнай мірнай акцыі пратэсту супраць фальсіфікацыі вынікаў прэзідэнцкіх выбараў. З таго часу ён знаходзіцца ў турме КДБ. Яму пагражае да трох гадоў пазбаўлення волі.