viasna on patreon

Ад двух да шасці гадоў калоніі: дзяржабвінавачванне запрасіла тэрміны для ўдзельнікаў "віцебскіх перформансаў"

2022 2022-05-16T13:00:00+0300 2022-05-16T13:44:18+0300 be https://spring96.org/files/images/sources/vicebsk-perfomans-04.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Злева направа: Кацярына Макарэвіч, Арцём Латышаў, Ірына Пярцова, Юлія Лабунова. Фота "НН"

Злева направа: Кацярына Макарэвіч, Арцём Латышаў, Ірына Пярцова, Юлія Лабунова. Фота "НН"

У судзе Віцебскага раёна 16 траўня працягваўся разгляд крымінальнай справы, заведзенай адразу па некалькіх артыкулах Крымінальнага кодэксу на чатырох мясцовых жыхароў за “экстрэмісцкія перформансы”.

Абвінавачаныя – палітвязні Ірына Пярцова, Арцём Латышаў, Кацярына Макарэвіч і Юля Лабунова.

У залежнасці ад ролі кожнага ў здзяйсненні шэрагу злачынстваў іх абвінавачваюць па наступных артыкулах Крымінальнага кодэкса:

ч.2 арт. 339 (злоснае хуліганства);

ч.1 арт. 342 (арганізацыя і падрыхтоўка дзеянняў, якія груба парушаюць грамадскі парадак);

арт. 341 (псаванне маёмасці ў іншых грамадскіх месцах пры адсутнасці прыкмет больш цяжкага злачынства).

Справу разглядае суддзя Міхаіл Зубеня.

Пад час сённяшняга пасяджэння, дзяржабвінаваўца ў судовых спрэчках спыніўся на тым, што злоснае хуліганства – з’ява асабліва небяспечная, асабліва калі здзяйсняецца па матывах палітычнай, ідэалагічнай і сацыяльнай варожасці… Такія дзеянні падрываюць аўтарытэт улады, спрыяюць падзенню прэстыжу і негатыўна ўплываюць на дзеянні дзяржаўнага апарата.

Віцебск: у судзе за “экстрэмісцкія перформансы” дапыталі сведкаў і абвясцілі тайм-аут

Пад час допыту абвінавачаных выявілася, што дачыненне да гэтай крымінальнай справы маюць і іншыя асобы: Святлана Гуркоўская, Павел Сакалоў, Марына Праслава, Ірына Базылевіч.

У судзе абвінавачаныя не пагадзіліся, што дзейнічалі па матывах варажнечы. Арцём Латышаў мае апазіцыйныя погляды, судом даказана, што псаванне банераў з выявамі супрацоўнікаў Дзяржаўтаінспекцыі ён планаваў загадзя. Сваёй віны не прызнаў і адмовіўся ў судзе даваць паказанні.

Апрача таго, абвінаваўца спаслаўся на той момант, што Арцём Латышаў, Кацярына Макарэвіч і Юля Лабунова стаяць на ўліку як асобы, схільныя да экстрэмісцкай дзейнасці.

У Ірыны Пярцовай просіць прызнаць змякчальнымі абставінамі наяўнасць непаўнагадовага дзіця і супрацоўніцтва са следствам.

Зыходзячы з гэтага, дзяржабвінаваўца просіць наступнае пакаранне:

Ірыне Пярцовай па ч. 2 арт. 339 Крымінальнага кодэкса – два з паловай гады пазбаўлення волі ў калоніі агульнага рэжыму;

Юлі Лабуновай па ч. 2 арт. 339 Крымінальнага кодэкса – чатыры з паловай гады пазбаўлення волі ў калоніі агульнага рэжыму;

Кацярыне Макарэвіч па ч. 1 арт. 342 і ч. 2 арт. 339 адпаведна, па сукупнасці пакаранняў, два і тры з паловай гады пазбаўлення волі. Канчаткова – чатыры з палавінай гады пазбаўлення волі ў калоніі агульнага рэжыму;

Арцёму Латышаву па арт. 341 і ч. 2 арт. 339 адпаведна па сукупнасці пакаранняў два і чатыры з паловай гады пазбаўлення волі, Канчаткова – шэсць гадоў пазбаўлення волі ў калоніі агульнага рэжыму.

Апошнія навіны

Партнёрства

Сяброўства