Праваабарончы цэнтр «ВЯСНА»

Навіны за 23 жніўня 2011

23.08.2011 Жонка Алеся Бяляцкага сустракаецца з кіраўніцтвам Польшчы

Працягваецца візіт жонкі Алеся Бяляцкага ў Польшчу. Сёння яна сустракалася з палітыкамі ў Варшаве. Жонка Бяляцкага заклікала іх спрыяць вызваленню як Алеся Бяляцкага, так і ўсіх палітычных зняволенных у Беларусі.

23.08.2011 У Горадні - ператрусы

Сёння ўдзень падчас інфармацыйнай акцыі ў падтрымку старшыні Праваабарончага цэнтру "Вясна" Алеся Бяляцкага ў Горадні быў затрыманы рэгіянальны грамадзка-палітычны дзеяч і праваабаронца Віктар Сазонаў. Пасля гэтага былі праведзены два ператрусы - у грамадскім офісе і на кватэры Віктара Сазонава.

23.08.2011 У Магілёве адмянілі прысуд двум бабруйскім журналістам

Справа журналістаў "Бабруйскага кур'ера" Віктара Масаловіча і Віктара Качана па рашэнні Магілёўскага аблсуда будзе перагледжаная.

23.08.2011 Шведскі еўрадэпутат Оле Шмідт патрабуе вызвалення Алеся Бяляцкага

Дэпутат Еўрапейскага Парламента Оле Шмідт звярнуўся да Генеральнага пракурора Беларусі з адкрытым лістом, патрабуючы неадкладнага вызвалення старшыні ПЦ “Вясна” Алеся Бяляцкага.

23.08.2011 На акцыі ў падтрымку Алеся Бяляцкага ў Магілёве затрыманыя журналісты

23 жніўня у Магілёве адбылася акцыя праваабаронцаў у падтрымку Алеся Бяляцкага, падчас асвятлення якой былі затрыманыя грамадскі актывіст Павел Варашылаў, а таксама журналіст Аліна Скрыбунова і відэааператар Яўген Глушакоў. Усе яны дастаўленыя ў Ленінскі РАУС г. Магілёва. Цягам 2 гадзінаў усіх затрыманых апыталі і адпуцілі без складаньня пратаколаў.

23.08.2011 Акцыя "Свабоду Бяляцкаму" ў Менску скончылася затрыманьнямі (аднаўляецца)

Затрыманыя ўдзельнікі акцыі дагэтуль знаходзяцца ў Цэнтральным РУУСе Менска. Сябры спрабавалі перадаць затрыманым мінеральную ваду і сродкі гігіены, аднак дзяжурны па РУУСе адмовіўся прыняць перадачу. Пасьля складаньня пратаколу апытаньня, фатаграфаваньня і зьняцьця адбіткаў пальцаў усіх затрыманых адпусьцілі.

23.08.2011 Мінюст адмовіў у рэгістрацыі аб'яднання “Гавары праўду”

Прычынай адмовы стала парушэнне “неадольнага характару”.

23.08.2011 У Гародні прайшла акцыя ў падтрымку Алеся Бяляцкага. Затрыманы праваабаронца Віктар Сазонаў

Гарадзенскія праваабаронцы зладзілі сёння ў горадзе над Нёманам акцыю ў падтрымку Алеся Бяляцкага. Грамадскія правабаронцы раздавалі адмысловыя бюлетэні, прысвечаныя арышту Алеся Бяляцкага, ходзячы па вуліцы Ажэшкі і цэнтральным парку імя Жылібера.

23.08.2011 Праваабаронцу Змітра Салаўёва дапыталі па справе Алеся Бяляцкага

Допыт праваабаронцы Змітра Салаўёва ў Дэпартаменце фінансавых расследваньняў Камітэта дзяржкантролю па крымінальнай справе Алеся Бяляцкага доўжыўся больш за гадзіну і адбываўся ў прысутнасьці адваката.

23.08.2011 Горадня: штраф за маўклівую акцыю "паўтарылі"

Дзьмітрыя Бакуновіча змушаюць плаціць штраф — 175 тысячаў рублёў за затрыманьне падчас маўклівай акцыі 6 ліпеня.

23.08.2011 Сына Алеся Бяляцкага аштрафавалі на 10 базавых велічыняў

Суддзя адмовіў абвінавачанаму ў праглядзе матэрыялаў відэаздымкі, паколькі не было вядома, адкуль такія матэрыялы можна ўзяць. Не выходзячы ў дарадчы пакой, суддзя вынес прысуд - штраф у памеры 10 базавых велічыняў (350 тысяч рублёў).

23.08.2011 У Жодзіне прайшлі акцыі ў абарону Алеся Бяляцкага

Актывісты праваабаронцы распаўсюджавалі па горадзе інфармацыйныя матэрыялы, улёткі, клеілі плякаты “Свабоду Алесю Бяляцкаму”.

23.08.2011 Дзьмітрый Вус патэлефанаваў жонцы

22 жніўня экс-кандыдат на прэзыдэнта Дзьмітрый Вус патэлефанаваў жонцы Яўгеніі.

23.08.2011 Мазыр: праваабаронцы падалі паўторную заяву у падтрымку Алеся Бяляцкага

Атрымаўшы адмоўны адказ на правядзенне пікетаў 22, 23 і 27 жніўня па прычыне, што ў гэты час на стадыёне будуць праводзіцца заняткі навучэнцаў “Спецыялізаванай дзіцяча-юнацкай школы алімпійскага рэзерву №1 г. Мазыра” праваабаронца Ул. Целяпун ўгледзеў невыкананне артыкула 6 Закона “Аб масавых мерапрыемствах”.

23.08.2011 Р.Тышкевіч: Сёння Польшча нясе поўную адказнасць за Бяляцкага і яго сям'ю

Пасол Сейму Польшчы Роберт Тышкевіч запрасіў на прэс-канферэнцыю, прысвечаную справе Бяляцкага, яго жонку, імя якой папрасіў не раскрываць. Тышкевіч зазначыў, што запрасіў яе ў Польшчу, каб абмеркаваць усе мажлівыя варыянты дапамогі як сям’і праваабаронцы, так і яму самаму.