Праваабарончы цэнтр «ВЯСНА»

Навіны за 18 жніўня 2011

18.08.2011 У Лідзе будуць судзіць журналіста “Белсата”

У Лідскім судзе заўтра будзе разглядацца адміністрацыйная справа ў дачыненні да карэспандэнта тэлеканала “Белсат” Сяргея Карпенка.

18.08.2011 Ваўкавыск: затрымалі за распаўсюд улётак з заклікам: "Усе на беларускі сход!"

Актывіста Віталя Гуляка затрымалі ў цэнтры Ваўкавыску двое ў цывільным. У пастарунку ён даваў пісьмовае тлумачэньне.

18.08.2011 У сэйме Польшчы абмеркавалі справу Бяляцкага

17 жніўня а 21-й гадзіне паводле менскага часу ў польскім парлямэнце адбылося сумеснае паседжаньне камісіяў у міжнародных справах і ў справах сувязі з палякамі за мяжой, у якім узяў удзел генэральны пракурор Польшчы Анджэй Сэрэмэт.

18.08.2011 Пасьля 10 сутак вызвалены Раман Васільеў

Нечакана аб 11-ай раніцы 18 сьнежня пасьля адміністрацыйнага аршыту вызвалены маладафронтавец Раман Васільеў.

18.08.2011 Заснавальнікі “Салідарнасьці”: Бяляцкі стаў вязьнем сумленьня польскага ўраду

“Gazeta Wyborcza” зьмяшчае ў нумары за 18 жніўня ліст шасьцёх айцоў-заснавальнікаў “Салідарнасьці”, у якім адзначаецца, што паводле запавету Ежы Гедройца “свабода народаў – усходніх суседзяў Польшчы ёсьць падставай і умовай бясьпекі ўсёй Эўропы”, а дыктатары і аўтарытарныя ўлады гэтай бясьпецы пагражаюць”.

18.08.2011 Затрыманні на плошчы Паўстання ў Гомелі

Раней арганізатары інтэрнэт-супольнасці «Рэвалюцыя праз сацыяльную сетку» аб’явілі аб перапынку ў мерапрыемствах да верасня, аднак актыўныя гамяльчане працягвалі збірацца па серадах у 19.00 каля фантана ля цырка, каардынуючы свае дзеянні праз сацыяльную сетку «УКантакце». Яны нічым сябе не праяўлялі, толькі збіраліся ў прызначаны час і размаўлялі.

18.08.2011 Актывісты «Маладых дэмакратаў» асуджаныя на 5 сутак

У час расклейкі плакатаў з выявамі палітзняволеных вечарам 16 жніўня ў Мінску супрацоўнікамі міліцыі былі затрыманыя Зміцер Сільчанка і Вольга Падзерына.