Праваабарончы цэнтр «ВЯСНА»

Навіны за 26 жніўня 2011

26.08.2011 Уладзімір Лабковіч: сябраў Партыі БНФ перасьледуюць па палітычных матывах

Сябра Рады Праваабарончага цэнтру “Вясна” Уладзімір Лабковіч лічыць, што ўзбуджэньне крымінальнай справы ў дачыненьні сябраў Партыі БНФ Алеся Каліты, Сяржука Семянюка і Максіма Губарэвіча “безумоўна, трэба разглядаць, як палітычны перасьлед”.

26.08.2011 Гомель: праваабаронцы інфармавалі працоўны калектыў аб арышце Алеся Бяляцкага

«Разведку боем» назвалі праваабаронцы Анатоль Паплаўны і Леанід Судаленка акцыю, якую яны правялі 25 жніўня каля прахадной ПУП «Віпра» у Чыгуначным раёне абласнога цэнтра.

26.08.2011 У Мазыры забаранілі мітынг у памяць аб габрэях, якія загінулі ў час вайны

Прэзідэнт Сусветнай асацыяцыі беларускіх габрэяў (ЗША) ураджэнец Мазыра Якаў Гутман паведаміў, што Мазырскі гарвыканкам не дазволіў правесці мітынг у памяць аб габрэях, якія здзейснілі самаспаленне падчас нацысцкай акупацыі горада.

26.08.2011 У Глыбокім затрымалі незалежнага журналіста

Кастусь Шыталь правёў у пастарунку каля гадзіны. Супрацоўнікаў міліцыі цікавіла, ці ня ведае ён, хто запэцкаў фарбай будынак Глыбоцкага райвыканкаму. Першы раз такое здарылася 14 жніўня, а другі — мінулай ноччу.

26.08.2011 Яшчэ адна адмова па хадайніцтву за Алеся Бяляцкага

Віцебскі праваабаронца Павал Левінаў атрымаў адмоўны адказ на сваё хадайніцтва аб асабістым паручальніцтве за кіраўніка Праваабарончага цэнтру "Вясна" Алеся Бяляцкага.

26.08.2011 Баранавічы: гарвыканкам нарэшце акрэсліў у старым парку месца для правядзеньня масавых мерапрыемстваў

24 жніўня 2011 года Баранавіцкі гарвыканкам нарэшце дакладна вызначыў месца у старым парку горада для правядзеньня масавых мерапрыемстваў. Гэта адбылося пасьля таго як грамадскія актывісты (Сяргей Гоўша, Віктар Сырыца, Мікалай Чарнавус, Рыгор Грык, Вячаслаў Болбат) даслалі калектыўны зварот на перагляд рашэньня выканкама № 1497 ад 16.06.2009 года, якое недакладна вызначала месца правядзеньня масавых мерапрыемстваў.

26.08.2011 Тэрміновая заява Абсерваторыі па абароне праваабаронцаў па апошніх падзеях у справе Алеся Бяляцкага

Абсерваторыя па абароне праваабаронцаў звярнулася да беларускіх уладаў з нагоды апошніх падзеяў у справе Алеся Бяляцкага.

26.08.2011 Супраць Натальлі Радзінай спыненая крымінальная справа

Крымінальны перасьлед адносна беларускай журналісткі Натальлі Радзінай ў рамках справы аб масавых беспарадках у Менску 19 сьнежня спынены ў сувязі з адсутнасьцю складу злачынства.

26.08.2011 Узброены напад на праваабаронцу ў Жодзіне каштаваў злачынцу ўсяго 10 мінімалак

У Жодзінскім гарсудзе 22 жніўня разглядалася адміністратыўная справа аб злачынным нападзе жыхара дому па Ф.Скрыны д.3 у Жодзіне Якаўцова М. на праваабаронцу Аляксея Лапіцкага ля 4-га пад’езда гэтага дому з нанясеньнем яму нажом цялесных пашкоджаньняў у выглядзе раны на правай руцэ.

26.08.2011 Ускладаньне кветак да амбасады Лівіі завяршылася затрыманьнем

Больш за 2 гадзіны правёў ў Ленінскім РУУСе Менска Станіслаў Рамановіч толькі за тое, што наважыўся ўскласьці кветкі ля Лівійскай амбасады ў знак падтрымкі паўстанцаў.

26.08.2011 Актывістка КХП-БНФ разгарнула бел-чырвоны сьцяг ля Дому ўраду

У Менску ля Дому ўраду затрымалі актывістку КХП-БНФ Ніну Багінскую. Пра гэта паведаміла намесьніца старшыні незалежнага прафсаюзу працаўнікоў радыёэлектроннай прамысловасьці Зінаіда Міхнюк зь Берасьця.