viasna on patreon

Ускладаньне кветак да амбасады Лівіі завяршылася затрыманьнем

2011 2011-08-26T08:08:41+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Больш за 2 гадзіны правёў ў Ленінскім РУУСе Менска Станіслаў Рамановіч толькі за тое, што наважыўся ўскласьці кветкі ля Лівійскай амбасады ў знак падтрымкі паўстанцаў.

Убачыўшы ў інтэрнэце абвестку пра ўскладаньне кветак, 24 жніўня Рамановіч падыйшоў да амбасады і запытаўся пра дазвол пакласьці букет. Аднак міліцэйская ахова забараніла гэта рабіць. У адказ юнак запатрабаваў паклікаць супрацоўніка амбасады.

Нечакана падбеглі  двое пераапранутых супрацоўнікаў спецслужбаў і адвялі Рамановіча ў мікрааўтобус, які напагатове стаяў метрах у дваццацці. У аўтобусе яму загадалі адключыць тэлефон і забралі пашпарт. Пасьля перавялі ў мінівэн, дзе доўга дапытваліся пра месца вучобы і прычыну прыходу да амбасады.

Пасьля Станіслава адвезьлі ў РУУС Ленінскага раёну, дзе доўгі час высьвятлялі,  навошта ён прыходзіў да лібійскай амбасады. Пасьля ўзяцця пісьмовых тлумачэньняў і дактыласкапіі, Рамановіча адпусцілі. Пратакол аб адміністратыўным правапарушэньні не складаўся.

Як паведаміў Рамановіч праваабаронцам, верагодна спецслужбы чакалі масавай акцыі каля амбасады, таму былі падрыхтаваныя затрымаць большую колькасьць людзей.

Апошнія навіны

Партнёрства

Сяброўства