Праваабарончы цэнтр «ВЯСНА»

Навіны за 17 жніўня 2011

17.08.2011 У Мазыры забаранілі правядзенне любых пікетаў у патрымку палітвязняў

Мазырскі райвыканкакм адмовіў усім заяўнікам у правядзенні пікетаў у падтрымку Алеся Бяляцкага і іншых палітзняволеных у Беларусі. Гэта стала вядома 17 жніўня, хаця адказ быў адпраўлены па пошце яшчэ 12 жніўня.

17.08.2011 Невядомая асоба па тэлефоне запрашала праваабаронцу на допыт

17 жніўня праваабаронцу Зьмітру Салаўёву патэлефанавала невядомая асоба і сказала, што яна зьяўляецца сьледчым упраўлення Дэпартаменту фінансавых расследванняў з прозвішчам Касынкіна. Па тэлефоне гэтая асоба запатрабавала ад праваабаронцы з’явіцца на допыт ва УДФР.

17.08.2011 Прыйшоў у банк па валюту — апынуўся ў міліцыі

У Гомелі ў аддзяленьні "Белпрамбудбанк" на вуліцы Сялянскай затрыманы грамадзкі актывіст Васіль Такарэнка. Ён прыйшоў у банк, каб набыць валюту для адпачынку 12-гадовага сына.

17.08.2011 У Магілёве адбыўся праваабарончы форум па праблеме палітвязняў

На сустрэчы прысутнічалі вызвалены палітвязень Уладзімер Яроменак, маці ды нявеста Зьмітра Буланава, тата Ільлі Васілевіча, бабуля Яўгена Васьковіча, намесьніца старшыні МФ Наста Палажанка, сустаршыня БХД Віталь Рымашэўскі.

17.08.2011 Суд адхіліў скаргу на меру стрымання ў дачыненні Алеся Бяляцкага

16 жніўня ў судзе Першамайскага раёна Мінска адбыўся разгляд скаргі адваката Алеся Бяляцкага на абраную следствам меру стрымання ў выглядзе ўзяцця пад варту. Скарга адваката была адхіленая.

17.08.2011 Пікет у Берасьці забаранілі

Берасьцейскі гарвыканкам адмовіў мясцовым праваабаронцам у правядзеньні пікету за вызваленьне Алеся Бяляцкага. Грамадзкая акцыі плянавалася на 22 жніўня на стадыёне "Лякаматыў" — адзіным у абласным цэнтры месцы, якое мясцовая ўлада вызначыла для грамадзкіх публічных мерапрыемстваў.

17.08.2011 Змітра Бандарэнку сёння адпраўляюць са шпіталя ў турму

Медыкі настойваюць, што палітвязню неабходная рэабілітацыя як мінімум паўгода.

17.08.2011 Адваката Тамару Сідарэнку пазбавілі ліцэнзіі

На паседжанні кваліфікацыйнай камісіі па пытаньнях адвакацкай дзейнасьці Міністэрства юстыцыі Рэспублікі Беларусь 16 жніўня было прынятае рашэньне аб спыненьні дзеяньня ліцэнзіі адвакату Тамары Сідарэнка. Падставы спыненьня дзеяньня ліцэнзіі пакуль невядомыя.

17.08.2011 Лідэр Libereco Ларс Бюнгер падпісаў паручальніцтва за Алеся Бяляцкага

Старшыня швейцарскай арганізацыі “Libereco – Партнёрства за правы чалавека” Ларс Бюнгер далучыўся да кампаніі за вызваленне Алеся Бяляцкага, падпісаўшы паручальніцтва за старшыню ПЦ “Вясна”.

17.08.2011 Асуджанаму за маўклівую акцыю адмовіў Менгарсуд

16 жніўня Менгарсуд адхіліў скаргу Ягора Канціна, які спрабаваў аспрэчыць адміністрацыйны прысуд, вынесены Савецкім судом Менску.

17.08.2011 Міліцыя ня бачыць парушэньня закону пры здушэньні маўклівых пратэстаў

Лідэр руху "За свабоду" Аляксандар Мілінкевіч атрымаў адказ на свой зварот ад кіраўніка ўпраўленьня аховы правапарадку Міністэрства ўнутраных спраў Івана Кубракова.

17.08.2011 Праваабарончая праграма “Людзьмі звацца!” на Радыё Рацыя

У серыі інтэрв’ю з сябрамі ПЦ “Вясна”, які сёлета адзначыў 15-ты год сваёй дзейнасці, госці рубрыкі “Асоба. Дзяржава. Грамадства” – сябра рады праваабарончага цэнтру Вясна і кіраўнік Беларускага Дому правоў чалавека ў Вільні Тацяна Рэвяка і намеснік старшыні праваабарончага цэнтру Вясна Валянцін Стэфановіч.

17.08.2011 Акцыя салідарнасьці на плошчы Якуба Коласа прайшла без затрыманьняў

Сямёра моладзевых актывістаў разгарнулі плякат «Свабоду палітвязьням!» у Менску ў падземным пераходзе каля Беларускай дзяржаўнай філярмоніі на плошчы Якуба Коласа.