Праваабарончы цэнтр «ВЯСНА»

Навіны за 19 жніўня 2011

19.08.2011 Суд над Сяргеем Карпенкам у Лідзе перанесены на 22 жніўня

Адміністрацыйная справа журналіста "Белсату" Сяргея Карпенкі, якая разглядалася сёння цягам дзвюх гадзін у Лідскім раённым судзе, перанесена на 22 жніўня.

19.08.2011 Улады Віцебску забаранілі праваабаронцам зладзіць пікет

Праваабаронца Леанід Сьвецік, які падаваў заяўку на правядзеньне пікету ў Віцебску, атрымаў адмоўны адказ ад Адміністрацыі Чыгуначнага раёну. Пікет плянавалася зладзіць 22 жніўня ў месцы, афіцыйна прызначаным уладамі для правядзеньня масавых мерапрыемстваў, - у Парку культуры і адпачынку Чыгуначнікаў.

19.08.2011 Праваабаронцаў тройчы спыніла ДАІ

Аўтамабіль з праваабаронцамі і журналістамі, якія накіроўваліся ў Смаргонь на разгляд справы Юрыя Лінгі, тройчы спынялі супрацоўнікі міліцыі. Пра гэта паведаміў дырэктар інфармацыйна-асьветніцкай установы "Плятформа" Андрэй Бандарэнка.

19.08.2011 У Брэсце партыі адмовілі ў юрыдычным адрасе па месцы жыхарства кіраўніка

Гэта зрабілі пасля таго, як былі атрыманыя ўсе папярэднія дазволы.

19.08.2011 Нарвежскі Хельсінскі камітэт: “Алесь! Будзем змагацца за Вас!

Штодзень Праваабарончы цэнтр “Вясна” атрымлівае дзесяткі лістоў з-за мяжы са словамі падтрымкі зняволенаму старшыні арганізацыі Алесю Бяляцкаму. Актывісты няўрадавых арганізацыі і простыя грамадзяне са Швецыі, Нарвегіі, Германіі, Галандыі, Швейцарыі, дасылаюць хадайніцтвы аб паручальніцтве і паштоўкі.

19.08.2011 У Гомелі таксама забаранілі правядзенне пікетаў у патрымку палітвязня

Гомельскі гарвыканкам адмовіў мясцовым праваабаронцам Анатолю Паплаўнаму, Віктару Адзіночанку і Леаніду Судаленку у правядзенні пікетаў у падтрымку Алеся Бяляцкага, якія яны планавалі правесці 22 жніўня у найбольш шматлюдных месцах абласнога цэнтру.

19.08.2011 Халіп наведала Саннікава ў Наваполацкай калоніі

Ірына Халіп сустрэлася ў Наваполацкай калоніі са сваім мужам, кандыдатам у прэзідэнты Беларусі на мінулых выбарах Андрэем Саннікавым. Па яе словах, у першыя хвіліны не пазнала мужа, які быў паголены і без барады.

19.08.2011 У Барысаве падтрымліваюць Алеся Бяляцкага

Апошнімі днямі ў Барысаве пачаўся масавы распаўсюд улётак, у якіх інфармуецца пра крымінальны пераслед і затрыманне – нібыта за ўтойванне прыбыткаў у асабліва буйным памеры - старшыні Праваабарончага цэнтру “Вясна”, віцэ-прэзідэнта FIDH Алеся Бяляцкага.

19.08.2011 Зьміцер Дашкевіч: “Тут дадзена адмашка на ўсё”

Як стала вядома “Маладому Фронту” Зьміцер Дашкевіч быў пераведзены ў ПКТ 10 жніўня срокам на 1 месяц. Дагэтуль лідэр Маладога Фронту блізу 2-ух месяцаў правёў у штрафным ізалятары, гэтак званым ШЫЗА. Зьміцер у першым лісце да Насты Палажанкі напісаў: “Мне дазволілі пісаць, што ў мяне ўсё добра! Пішу: у мяне ўсё добра!:)”