Праваабаронцу Змітра Салаўёва дапыталі па справе Алеся Бяляцкага
Допыт праваабаронцы Змітра Салаўёва ў Дэпартаменце фінансавых расследваньняў Камітэта дзяржкантролю па крымінальнай справе Алеся Бяляцкага доўжыўся больш за гадзіну і адбываўся ў прысутнасьці адваката. Як паведаміў Зміцер Салаўёў, следчая Т. Касынкіна ўзяла ў яго і адваката падпіску аб неразгалошваньні.
Нагадаем, што 17 жніўня па тэлефоне сьледчая Касынкіна запатрабавала ад праваабаронцы з’явіцца на допыт ва УДФР.
Зміцер Салаўёў запатрабаваў афіцыйна даслаць яму позву, матываваўшы сваю просьбу патрэбай у юрыдычнай дапамозе адваката.
Як вядома, следчая УДФР Касынкіна ўзначальвае следчую групу, якая займаецца расследваньнем справы па абвінавачаньні старшыні Праваабарончага цэнтру “Вясна” Алеся Бяляцкага ва ўтойваньні даходаў у асабліва буйным памеры (ч.2 арт. 243 КК РБ).
