Капітана міліцыі затрымалі адразу пасля звальнення з органаў. Суд яго апраўдаў Дапоўнена

2020 2020-08-13T12:40:29+0300 2020-08-13T13:35:17+0300 be http://spring96.org/files/images/sources/milicyja-sheragi.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Капітана міліцыі з Наваполацка Ягора Емяльянава затрымалі пасля таго, як ён выклаў у сацсеткі фота пасведчання і пагонаў з подпісам:

"17 гадоў службы скончаны. Маё сумленне чыстае. Міліцыя з народам".

Інфармацыю пра затрыманне Нашай Ніве пацвердзіла жонка Ягора Емяльянава Марына.

"Яму патэлефанавалі з працы. Сказалі, што трэба падысці падпісаць дакументы, акт прыёму-перадачы форменнай вопраткі. Аператыўна закрыць пытанне. Мы з ім былі на сувязі, планавалі ў гэты дзень сямейную вячэру.

У 17:55 я яму тэлефанавала, ён яшчэ быў у аддзеле, афармляў дакументы. У 19:55 я патэлефанавала зноў, хацела дамовіцца, хто забярэ нашу малодшую дачку, ёй тры гады. Ён паведаміў, што затрыманы. За што? Сказаў, што пакуль не ведае", – распавядае Марына.

Па тых папярэдніх дадзеных, якімі валодае Марына, муж праходзіць па артыкуле 23.34 КаАП – парушэнне парадку арганізацыі або правядзення масавых мерапрыемстваў. У ГУУС падрабязнасцяў не паведамляюць.

"Ён чалавек з абвостраным пачуццём справядлівасці. Непрыемная сітуацыя ў краіне, ён не хацеў удзельнічаць. Калі з'явілася рызыка ўвядзення надзвычайнага становішча, мы пагаварылі і вырашылі, што прыйшоў час звальняцца. Ён адразу ж паехаў", – адзначае Марына.

Судовае пасяджэнне запланавана на сёння 13 жніўня.

Дапоўнена

Пасяджэнне адбылося ў Полацкім раённым судзе праз скайп. Па рашэнні суддзі Ягор Емяльянаў быў вызвалены, а адміністрацыйная справа супраць яго была спыненая з-за адсутнасць складу правапарушэння.  

Апошнія навіны

Партнёрства

Сяброўства