Пасля месяца арышту Алеся Круткіна асудзілі яшчэ на 15 сутак

2020 2020-02-26T18:10:51+0300 2020-02-26T18:20:47+0300 be http://spring96.org/files/images/sources/krutkin_ales_1202.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь Круткін у судзе Першамайскага раёна. Фота блогера Шэрага ката t.me/SeryiKotNews

Алесь Круткін у судзе Першамайскага раёна. Фота блогера Шэрага ката t.me/SeryiKotNews

26 лютага полацкі актывіст Алесь Круткін мусіў выйсці на волю пасля 30-суткавага арышту, але сёння ён патэлефанаваў сваёй маці з Лепеля. Актывіст прасіў звязацца з яго адвакатам, бо на яго складзены новы адміністрацыйны пратакол за нейкія студзеньскія падзеі.

У выніку адвакат даведаўся, што сёння быў новы суд над актывістам, і яму прысудзілі яшчэ 15 сутак арышту

Актывісты кампаніі «Еўрапейская Беларусь», якія не дачакаліся вызвалення Круткіна ў Віцебску, занепакоеныя станам яго здароўя, бо пасля апошняга прысуду на 15 сутак актывіст проста ў залі суду абвясціў галадоўку. Ці трымаў ён галадоўку падчас адбывання пакарання ў віцебскім ізалятары часовага ўтрымання, таксама невядома.

Нагадаем, 12 лютага суд Кастрычніцкага раёна Віцебска пакараў актывістаў "Еўрапейскай Беларусі" Наталлю Спірыдонаву і Алеся Круткіна за расклейку ўлётак на адміністрацыйных будынках горада па артыкуле 23.34 КаАП. Наталля Спірыдонава атрымала 30 базавых велічынь штрафу (810 рублёў), а Алесь Круткін – 15 сутак арышту. Да гэтага актывіст адбываў 15-суткавы арышт за ўдзел у снежаньскай акцыі пратэсту супраць інтэграцыі.

Апошнія навіны

Партнёрства

Сяброўства