Алесь Круткін атрымаў новыя 15 сутак арышту

2020 2020-02-12T17:26:32+0300 2020-02-12T18:21:42+0300 be https://spring96.org/files/images/sources/krutkin_spiridonava_u_sudze.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь Круткін і Наталля Спірыдонава ў судзе 28 студзеня. Фота "Віцебскай Вясны"

Алесь Круткін і Наталля Спірыдонава ў судзе 28 студзеня. Фота "Віцебскай Вясны"

Суд Кастрычніцкага раёна Віцебска пакараў актывістаў "Еўрапейскай Беларусі" Наталлю Спірыдонаву і Алеся Круткіна за расклейку ўлётак на адміністрацыйных будынках горада па артыкуле 23.34 КаАП. Наталля Спірыдонава атрымала 30 базавых велічынь штрафу (810 рублёў), а Алесь Круткін - 15 сутак арышту, паведамляе блогер Зміцер Казлоў (Шэры кот). Дагэтуль актывіст адбываў 15-суткавы арышт за удзел у снежаньскай акцыі пратэсту супраць інтэграцыі.

Нагадаем, 27 студзеня, актывістаў “Еўрапейскай Беларусі” Наталлю Спірыдонаву і Алеся Круткіна затрымалі і даставілі ў РАУС Кастрычніцкага раёна Віцебска, дзе абвінавацілі ў расклейцы ўлётак “Калгаснай дыктатуры – баста!”. На актывістаў склалі пратаколы па артыкуле 17.1 КаАП (дробнае хуліганства), каб на наступны дзень іх судзіць. Тады Алесь Круткін быў адпраўлены ў ІЧУ, а Наталлю Спірыдонаву вызвалілі пад падпіску. Але тут жа актывістку павезлі ў іншы, Першамайскі РАУС, дзе на яе быў складзены другі пратакол па артыкуле 21.14 КаАП (Парушэнне правілаў добраўпарадкавання і ўтрымання населеных пунктаў). У выніку ўсе адміністрацыйныя справы перакваліфікавалі на арт. 23.34 КаАП (парушэнне заканадаўства аб масавых мерапрыемствах). 

Яшчэ адна справа за расклейку ўлётак супраць актывістаў пачала разгледацца сёння ў судзе Першамайскага раёна Віцебска. Рашэнне будзе абвешчана 13 лютага.

Алесь Круткін у судзе Першамайскага раёна. Фота блогера Шэрага ката t.me/SeryiKotNews
Алесь Круткін у судзе Першамайскага раёна. Фота блогера Шэрага ката t.me/SeryiKotNews

Апошнія навіны

Партнёрства

Сяброўства