viasna on patreon

Судовыя выканаўцы пагражаюць арыштаваць маёмасць Віталя Рымашэўскага

2016 2016-12-02T15:57:58+0300 2016-12-02T16:03:42+0300 be https://spring96.org/files/images/sources/rymasheuski.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Рымашэўскі

Віталь Рымашэўскі

Судовыя выканаўцы пагражаюць сустаршыні Беларускай хрысціянская дэмакратыі Віталю Рымашэўскаму накладаннем арышту на маёмасць за ўдзел у пікеце ля Менскага гарадскога суду ў жніўні. Па інфармацыі прэсавай службы БХД , пікет праходзіў у межах перадвыбарчай кампаніі на тэму падтрымкі маці зніклага міністра ўнутраных спраў Юрыя Захаранкі – Улляны.
На ўдзельнікаў пікету былі складзеныя пратаколы, але пасля ніякіх позваў яны не атрымалі.

“Пікет праходзіў цалкам у межах выбарчай кампаніі. Міліцыя спрабавала замінаць яго правядзенню, але ніякіх выклікаў у суд за яго не было. А цяпер судовыя выканаўцы патрабуюць спагнання штрафу. У Беларусі па-ранейшаму забароненая свабода сходаў і любыя пікеты. Толькі калі раней удзельнікам пагражалі збіццё і арышты, то зараз ужываюцца велізарныя штрафы, якія пры сённяшнім стане беларускай эканомікі і існуючых заробках людзей раўназначныя татальнай забароне любых вулічных акцый”, - адзначыў Віталь Рымашэўскі.

Нагадаем, што нядаўна ў Менску адбыўся суд над Віталём Рымашэўскім за арганізацыю акцыі 7 лістапада каля КДБ.

Апошнія навіны

Партнёрства

Сяброўства