Ператрус у Марыны Лобавай

2016 2016-03-31T12:04:49+0300 2016-04-01T08:30:47+0300 be http://spring96.org/files/images/sources/lobava_maryna.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Марына Лобава. Фота: svaboda.org

Марына Лобава. Фота: svaboda.org

31 сакавіка раніцай супрацоўнікі ГУБАЗ УУС Мінгарвыканкама правялі ператрус у маці былога палітвязня Эдуарда Лобава – Марыны Лобавай. Ёй прад’явілі пастанову на вытворчасць ператрусу ў межах крымінальнай справы, узбуджанай супраць яе сына па артыкуле 133 Крымінальнага кодэксу «наёмніцтва». Эдуард Лобаў прымае удзел у баявых дзеяннях ва Украіне.

Як паведаміла праваабаронцам Марына Лобава, ёй прад’явілі пастанову на вобшук, якую падпісаў пракурор Маскоўскага раёна Мінска.

У ходзе ператрусу былі канфіскаваныя сістэмны блок, 2 ноўтбукі, носьбіты інфармацыі, нашыўкі “Маладага Фронту”, некаторыя кнігі. У тым ліку выданне праваабарончага цэнтру “Вясна”.

Марыя Лобава паведаміла Беларускаму дакументацыйнаму цэнтру падрабязнасці ранішняга ператрусу:

 "Я выйшла раніцай з кватэры, каб выгуляць сабаку. На пляцоўцы мяне ўжо чакалі 3 чалавекі. Ператрусам кіраваў старшы оперупаўнаважаны ГУБАЗ Мінгарвыканкама Кіжапін Раман Мікалаевіч. Мне прад'явілі пастанову на вытворчасць ператрусу ў межах крымінальнай справы, узбуджанай супраць майго сына. Яго абвінавачваюць у тым, што ён ваюе ва Украіне. Падчас ператрусу ў мяне канфіскавалі ўсю тэхніку: кампутар, 2 ноўтбукі, літаратуру аб «Маладым фронце», «Вясне», нават кнігу з цытатамі Лукашэнкі. Акрамя таго, Кіжапін груба, з прымяненнем сілы з маёй курткі забраў мой асабісты тэлефон, парваўшы вопратку".

Нагадаем, што ў дачыненні да беларускіх грамадзян, якія ваявалі ў Украіне, распачата 135 крымінальных спраў. Пра гэта ў інтэрв'ю газеце «Звязда» паведаміў начальнік галоўнага ўпраўлення па барацьбе з арганізаванай злачыннасцю і карупцыяй МУС Беларусі палкоўнік міліцыі Мікалай Карпянкоў.

На прэс-канферэнцыі 1 сакавіка кіраўнік МУС Беларусі генерал-лейтэнант міліцыі Ігар Шуневіч паведаміў, што беларускія органы папярэдняга расследавання будуць накіроўваць ва Украіну даручэнні аб аказанні прававой дапамогі для збору інфармацыі аб беларускіх грамадзянах, якія ваююць у Данбасе.

Паводле інфармацыі кіраўніка МУС, ёсць спіс асоб, якія знаходзяцца ў зоне ўзброенага канфлікту, прымаюць удзел у баявых дзеяннях «у той ці іншай форме на той ці іншай баку канфлікту». Звесткі значыць прыкладна аб 140 грамадзянах Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international