Смаргонская пракуратура ўхілілася ад ацэнкі фактаў фальсіфікацыі выбараў (дакумент)

2015 2015-12-16T23:44:37+0300 2015-12-16T23:44:37+0300 be http://spring96.org/files/images/sources/prakurory.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

    Адразу пасля прэзідэнцкіх выбараў праваабаронца са Смаргоні Алесь Дзергачоў накіраваў ў пракуратуру Смаргонскага раёна заяву. У ёй ён паведаміў, што паводле афіцыйна складзеных і агучаных выніковых пратаколаў на 8 з 40 выбарчых участкаў Смаргонскага раёна за кандыдата Таццяну Караткевіч прагаласавала 1860 выбаршчыкаў. У той жа час паводле афіцыйнай інфармацыі з сайта Цэнтральнай выбарчай камісіі ва ўсім Смаргонскім раёне за дадзенага кандыдата аддалі галасы толькі 887 (!) выбаршчыкаў. На гэтай падставе праваабаронца патрабаваў разгледзець пытанне аб прыцягненні да крымінальнай адказнасці вінаватых у фальсіфікацыі выбараў.

   Амаль 2 месяцы з пракуратуры не было ніякіх паведамленняў аб выніках праверкі. Таму ў пачатку снежня Алесь Дзергачоў накіраваў туды афіцыйную просьбу паведаміць аб выніках расследавання парушэння заканадаўства.

   Адказ выконваючага абавязкі пракурора Смаргонскага раёна Мікалая Кіндры датаваны 11 снежня 2015 года. У ім паведамляецца, што заява праваабаронцы накіравана ў Цэнтрвыбаркам і той павінен быў даць адказ. Насамрэч, Цэнтрвыбаркам даў адказ, але не на ліст, перасланы  пракуратурай, а на электроны зварот самаго заяўніка, без пазначэння, што гэта адказ і на пісьмовы зварот, накіраваны ў  пракуратуру. У электронным жа адказе старшыня ЦВК Лідзія Ярмошына назвала фотакопіі выніковых пратаколаў падліку галасоў на выбарчых участках іх фрагментамі, па якіх немагчыма ўстанавіць недакладнасці вынікаў.

   Па сутнасці гэта была адпіска ЦВК. Пракуратура ж, як бачна, на факты фальсіфікацыі выбараў не рэагуе. У той жа час паводле артыкула 125 Канстытуцыі краіны нагляд за дакладным і аднастайным выкананнем законаў ускладзены на Генеральнага пракурора і падначаленых яму пракурораў. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international