Прызначана дата касацыі па справе Юрыя Рубцова

2014 2014-11-18T11:49:27+0300 2014-11-18T11:50:14+0300 be http://spring96.org/files/images/sources/rubcou-juryj.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Юрый Рубцоў

Юрый Рубцоў

Разгляд касацыйнай скаргі апазіцыйнага актывіста з Гомеля Юрыя Рубцова, асуджанага да паўтары гадоў "хіміі", адбудзецца ў Мінскім гарадскім судзе 21 лістапада. Пачатак – а 10-й гадзіне.

6 кастрычніка суд Цэнтральнага раёна Мінска прызнаў актывіста вінаватым у здзяйсненні злачынства, прадугледжанага артыкулам 391 Крымінальнага кодэкса “Абраза суддзі або народнага засядацеля”, і пакараў двума з паловай гадамі абмежавання волі з накіраваннем ва ўстанову адкрытага тыпу. Адзін год з гэтага тэрміну скасоўваецца па амністыі, таму для адбыцця пакарання актывісту застаецца паўтары гады.

Праваабарончы цэнтр “Вясна” ў выніку назірання за ходам судовага працэсу заявіў, што з накіраваннем Юрыя Рубцова ва ўстанову адкрытага тыпу ў Беларусі з’явіцца новы палітвязень.

“Спадара Рубцова затрымалі на дазволеным уладамі мітынгу толькі за надпіс на майцы “Лукашэнка, сыходзь!”, у суд яго даставілі аголеным па пояс – у выглядзе, які абражае чалавечую годнасць, але суддзю, канешне, не цікавіла, чаму чалавек у такім выглядзе. Хоць суддзя стаіць на абароне правоў і інтарэсаў грамадзянаў. І зараз атрымліваецца сітуацыя, што тыя асобы, якія сведчылі, што ён лаяўся матам, сведчаць, што ён суддзю абражаў. Таму мы заяўляем, што, калі пасля касацыі прысуд у тым жа выглядзе ўступіць у законную сілу і спадар Рубцоў будзе адбываць паўтары гады абмежавання волі з накіраваннем ва ўстанову адкрытага тыпу, мы будзем прызнаваць яго палітвязнем. Таму што ўвязненне спадара Рубцова будзе непасрэдна звязанае з мірным ажыццяўленнем ім сваіх правоў на свободу мірнага сходу і свабоду выказвання. Сказаць “Лукашэнка, сыходзь!” мае права кожны грамадзянін Рэспублікі Беларусь. І ніхто не мае права за гэта затрымліваць грамадзянаў”, - нагадаў пазіцыю праваабаронцаў намеснік старшыні арганізацыі Валянцін Стэфановіч.

Нагадаем, следства супраць Рубцова распачалося 5 жніўня, калі яго дапыталі ў Савецкім аддзеле Следчага камітэта г. Мінска ў якасці падазраванага.  У аснове абвінавачвання – заява суддзі Савецкага раёна Кірылы Палулеха, які сцвярджае, што падчас разгляду адміністратыўнай справы Юрыя Рубцова 28 красавіка актывіст нібыта абразіў суддзю зневажальнымі словамі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international