Дзікасць у Смалявічах: высокія чыны збілі дзяўчыну, якая зняла, як яны кралі капусту

2014 2014-08-21T09:23:23+0300 2014-08-21T09:23:23+0300 be http://spring96.org/files/images/sources/dakumenty.jpg

Праваабаронка-вясноўка Таццяна Равяка апісала жудасны выпадак: «Маладая дзяўчына (спецыяліст) спрабавала спыніць крадзеж, сфатаграфавала злодзеяў. Чатыры мужыкі пачалі дзяўчыну збіваць, пагражалі нават забіць.

З пераломам рукі ў двух месцах, страсеннем мазгоў і іншымі пашкоджаннямі дзяўчына была дастаўлена ў бальніцу.

Выклікалі дактары міліцыю (парадак такі), прыехала прадстаўніца Следчага камітэта, распытала, паглядзела ацалелыя здымкі, на якіх пазнала каго трэба, і параіла замяць справу.

І цяпер пабітая, зняважаная, запалоханая дзяўчына баіцца нават агучыць гэта. А злачынцы — прыкрытыя, нічога не баяцца».

«Я абмалявала сітуацыю, характэрную для маленькіх беларускіх гарадоў, дзе начальнік — цар і бог», — патлумачыла Равяка.

Няўжо такое сапраўды можа быць у наш час? «Наша Ніва» высветліла, што выпадак адбыўся ў Смалявічах, што ён рэальны. Мы знайшлі дзяўчыну, патэлефанавалі ёй. Яна дагэтуль ляжыць у бальніцы.

Але гаварыць для газеты баіцца. Таму, вядома, мы не здолелі праверыць усіх акалічнасцяў здарэння. Мы гатовы трымаць справу на кантролі.

Вядома, мы не можам сцвярджаць пра абставіны здарэння, пакуль не параўналі версій абодвух бакоў. Пакуль усё гэта — са словаў дзяўчыны, як яна расказвала сябрам.

Добра было б, каб Следчы камітэт усё ж вярнуўся да справы, праверыў яе. Яна, што называецца, рэзанансная, і па такіх выпадках людзі ацэньваюць праваахоўнікаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international