Магілёўская міліцыя канфіскавала наклад бюлетэня “Сацыял-дэмакрат” і газеты “НАШ Магілёў”

2014 2014-07-16T16:02:45+0300 2014-07-16T16:02:45+0300 be http://spring96.org/files/images/sources/dai-supracounik.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Агулам было канфіскавана амаль 12 тысяч незалежных газет.

Сёння ноччу, 16 ліпеня, у 0-20 быў прыпынены аўтамабіль, у якім знаходзіліся экс-кандыдат у прэзідэнты ад Партыі БНФ Рыгор Кастусёў і намеснік старшыні Беларускай сацыял-дэмакратычнай партыі (Грамады) Ігар Барысаў.

Супрацоўнікі ДАІ праверылі дакументы і сказалі, што ім з Магілёўскага РАУС паступіла арыенціроўка на аўтамабіль “Мэрсэдэс” чорнага колеру, які нібыта здзейсніў хуліганства ў Бялынічах. Для разбіральніцтва інспектары прапанавалі праехаць ў Магілёўскі РАЎС.

 -          Як толькі сказалі, што ёсць арыенціроўка на мой аўтамабіль, я адразу зразумеў, што проста так нас не адпусцяць, бо ўсе дакументы на аўто былі ў парадку. Інспектары праверылі багажнік, атрымалі адказ, што вязем паперу ў пакунках, аднак адкрываць і глядзець што там не сталі. Проста суправадзілі нас у РАУС. Адметна тое, што ні ў якія Бялынічы мы па дарозе не заязджалі, - распавядае Ігар Барысаў.

У РАУСе склалі пратаколы апытанняў і пратакол агляду аўтамабіля, пасля чаго канфіскавалі да судовага разбіральніцтва друкаваную прадукцыю. У міліцыянтаў дэмакраты прабылі амаль тры гадзіны.

 -   Міліцыянты, як і супрацоўнікі ДАІ былі больш чым абыходлівыя і ветлівыя. Яны цудоўна разумелі, што адбываецца, і што мы незвычайныя крымінальнікі ці дэбашыры, а прадстаўнікі дэмакратычнай апазіцыі, якая па ўказцы зверху пераследуецца. Тым не менш, яны выканалі сваю працу, - працягвае Ігар Барысаў.

Намеснік старшыні БСДП адзначае, што бюлетэнь “Сацыял-дэмакрат” быў цалкам прымеркаваны пытанням “Народнага рэферэндума”, а газета “НАШ Магілёў” -- інфармацыйнай кампаніі “Захаваем стары Магілёў”.

Трэба адзначыць, што цяпер Ігар Барысаў чакае даты судовага пасяджэння, дзе будзе вырашаны далейшы лёс друкаванай прадукцыі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international